УИХ-ын гишүүн Ц.Цэрэнпунцаг "Богд Зонхова" хөшөөний талаар мэдээлэл хийлээ.
Тэрбээр "Богд Зонхова цогцолборын төсөв 32 тэрбум төгрөг болж өссөнийг нь мэдсэн. Зураг төсөл нь нарийвчлан гараад төсөв нэмэгдсэн гэдгийг Барилга хөгжлийн төв тайлбарласан. Соёлын яам ч уг тайлбараа өгсөн байна лээ.
Энэ төслийг уулын орой буюу Залаатын аманд хэрэгжүүлэхээр төлөвлөж байв. Соёлын өв бүтээхээр. Гэхдээ уулын орой дээр дэд бүтцийг нь шийдэхээс эхлээд үүнийг барих компани ч байхгүй. Тиймээс Үндэсний соёл амралтын хүрээлэн юм уу өөр газар хийе гэж яриад Тасганы овоонд барихаар болсон. Бурхан шашин, түүх соёлын дурсгалыг хамгаалах хэрэгтэй гээд Их хурал дээр ажлын хэсэг гарчихсан Х.Ганхуяг гишүүн ахлаад явж байна. Өвчин зовлон хэцүүдэж байна. Гэхдээ дасан зохицож аялал жуулчлал сэргэж байгаа. Жуулчид ирээд юу үзэж харах уу. Энэ том төсөл явах ёстой. Сургууль, эмнэлэгт өчнөөн л мөнгө зарцуулж байхад жуулчдад зориулж ганц бурхны төв барихад юу нь буруу гэж" хэмээлээ. Мөн энэ үеэр түүний сонгогдсон аймгийн Нэгдсэн эмнэлгийн төрөх тасгийн халаалт ажиллахгүй байгаа асуудлаар "Манай аймгийн Нэгдсэн эмнэлэг халаатгүй биш халаалттай байгаа. Хүйтэн байдэг. Би 2013 онд уурын зуухыг нь барих төсөл дээр дэмжлэг үзүүлсэн шүү дээ. Баригдаад долоон жил болж байгаа. Төсвийн хөрөнгөөр сургууль, цэццрлэг, эмнэлгийн барилга бариад хэдхэн жилийн дараа хуучирчихдаг барилга та бүхэн зөндөө л харсан байх" гэх тайлбарыг өгөв.
| Ц.ЦЭРЭНПУНЦАГ: Сургууль, эмнэлэгт өчнөөн мөнгө зарцуулж байхад ганц бурхны төв барихад юу нь буруу гэж |
|