• Өнөөдөр 2024-03-29

ХҮҮХДЭД хараалын үг заах дамжаа, цаг нь 1500 төгрөг!!!

2020-09-14,   995

Хүүхэд тань хэнтэй нөхөрлөж, хаана явааг та мэддэг үү? Таны хамгийн хайртай нялх үр цахим тоглоомын газар нэртэй харанхуй, чийг даасан, хүйтэн өрөөнд компьютерын дэлгэцний өмнө таны сонсож ч байгаагүй хараалын үг урсган суугааг та мэдэх үү? Хоол авч идээрэй гэж өгсөн халаасны мөнгөөр тань хоёр, гурван цагаар эсвэл хонон өнжин тоглож суухдаа чих мултрам хараалын үгээр сэтгэцээ хэрхэн гэмтээж байгааг бид таньд үзүүлье. Энэ бол эргэлт.мн-ний хөндөх сэдэв. 

Орон сууцны нэг давхар, эсвэл орц хонгилд байрлах цахим тоглоомын газруудад хараалын үг хаа сайгүй урсана. Хэзээ ч амнаасаа гаргаж боломгүй хараалын элдэв үгс зөвхөн энд л хэлэгддэг. Ерөнхий боловсролын сургуулийн сурагчид нэгнийгээ ингэж элдвэрээр харааж зүхэх нь цахим тоглоомын газруудын нийтлэг дүр зураг. Цагийн мөнгөө төлсөн л бол энд ямарч дүрэм үйлчилдэггүй гэж хэлхэд буруудахгүй. Хорь гаруй хүүхэд өөд өөдөөсөө харж суугаад хараалын үгээр дайтаж байгааг хэн ч хянадаггүй. 

Орц, хонгилд борооны дараах мөөг шиг олширсон цахим тоглоомын газруудыг хаадаггүй юм гэхэд хараалын үг хэлүүлдэггүй, хараа хяналттай болгомоор байна. Цахим тоглоомын газарт цагийн мөнгө төлөөд бусдыг эх захгүй доромжилж болдог бугшсан буруу жишгийг халмаар байна. Нялх балчир, гэнэн цагаан гэж бодож яваа хүүхэд тань харанхуй өрөөнд хорь, гучаараа нийлж суугаад хүн алдаг тоглоом тоглож, хараалын үгсийг хайр найргүй урсгаж байна гэж төсөөлөхөд ч бэрх. Гэвч энэ бол бодит гэдгийг та харлаа. Тиймээс хэрвээ хүүхэд тань халаасны мөнгөө хурдан дуусгаад байгаа бол хичээлээ тараад хоёр, гурван цагаар хэл сураггүй алга болоод байгаа бол хүүхдээсээ хаана цагаа өнгөрүүлж, хэнтэй нөхөрлөж байгааг нь анхаараад нэг үзээрэй. Цахим тоглоомын газраас бэлтгэсэн хөндөх сэдвийн дараагийн дугаараар дэлгэцийн донтолтын аюулыг баримттайгаар хүргэх болно. 


ХҮҮХДЭД хараалын үг заах дамжаа, цаг нь 1500 төгрөг!!!
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188