Bee театр ахлах, дунд ангийн сурагчдад зориулан "Эдип хаан" жүжгийг тайзны бүтээл болгоно

2023-04-03, 1059

Bee театрын уран бүтээлчид урлагийн боловсрол олгох зорилтын хүрээнд дэлхийн сонгодог зохиол болох Софоклын Эдип хаан бүтээлийг сонгон авч ерөнхий боловсролын сургуулийн ахлан, дунд ангийн хүүхдүүдэд зориулан тайзны бүтээл болгохоор болжээ. Эдип хаан зохиол нь арваннэгдүгээр ангийн уран зохиолын хичээлээр судлах сэдэв болон орсон юм.

Ингэснээр уран зохиолын хичээлийг сонирхолтой, бүтээлч болгох үүднээс зөвхөн ном уншиж бүтээлтэй танилцах бус театрчилсан тоглолт үзэж, мэргэжлийн урлаг судлаач, уран бүтээлчидтэй харилцан ярилцаж тус бүтээлтэй танилцах юм. Мөн түүх, гоо зүйн мэдлэг олгох багц хөтөлбөр бүхий үйл ажиллагаа байна.