Ази, Европ тивд үүссэн эрчим хүчний хямралтай холбоотойгоор нүүрс, байгалийн хийн хомстол үүсэж, үнэ нь нэмэгдээд байгаа.

Тэгвэл яг одоогийн байдлаар Их Британийн биржид брент төрлийн газрын тосны үнэ 0.88 хувь өсөж, нэг баррель нь 85.63 ам.доллар, Москвагийн биржид брент газрын тосны үнэ 1.71 хувиар өсөж, 84.84 ам.доллар болжээ.

Нью-Йоркийн Таваарын биржид брент газрын тосны үнэ 0.4 хувиар өсөж, нэг баррель нь 84.4 ам.доллар болсон бол, WTI төрлийн газрын тосны үнэ мөн 0.4 хувиар өсөж, нэг баррель нь 81.7 ам.долларт хүрсэн байна.

Ийнхүү газрын тосны үнэ найман долоо хоног дараалан өсөөд байгаа нь 2015 оноос хойших хамгийн урт, удаан хугацаанд үргэлжилсэн үнийн өсөлт болоод байгаа юм.