Т.АЮУРСАЙХАНЫ ТУСЛАХУУД "ЭРДЭНЭС ТАВАНТОЛГОЙ" ХК-ИЙН ТЕНДЕРҮҮДИЙГ "ТҮҮЖ", АР ГҮНТЭД ХАУС ХОРООЛОЛ БАРЬЖ БУЙ НОЦТОЙ БАРИМТ

Ц. АМУНДРА:
Улс төр- Анхаарлын төвд

2023-04-13, 4694

УИХ-ын гишүүн Т.Аюурсайхан “Нүүрсний хулгай”-н хэргийн хамсаатнаар нэрлэгдэж, АТГ-ынханд “ачигдах” дээрээ тулаад буй. Гагцхүү “Гишүүний халдашгүй байдал” гэх ганц хана хэрэм л түүнийг нартаас нарсанд орохоос нь хамгаалж байгаа. Өчигдөр л гэхэд АТГ-ынхан Т.Аюурсайханы хамаарал бүхий этгээдүүдийн орон сууц, оффист нэгжлэг хийсэн.. Тэгвэл УИХ-ын гишүүн Т.Аюурсайхан “Нүүрсний хулгай”-н хэрэгтэй ямар схемээр холбогддогийг нэгхэн жишээгээр тайлбарлая.

Ардын намын төлөө Т.Аюурсайхантай хамт амь хайргүй жагсаж, хэлмэгдэгсдийн хөшөөний хажууханд майханд хоноглож явсан Б.Ганхуяг 2016 оны сонгуулийн дараа “шагнал”-аа авч, “Эрдэнэс тавантолгой” ХК-ийн Тэргүүн дэд захирлаар томилогдсон. Улмаар 2018 оны дөрөвдүгээр сарын 4-нд “Эрдэнэс тавантолгой” ХК-ийн Гүйцэтгэх захирал болж тушаал дэвшин, тамга атгах эрхтэй болсон. Жагсаалын “алтан” хамтрагч, зүү орох зайгүй шахам дотно нөхөр Б.Ганхуяг нь ийнхүү “Эрдэнэс тавантолгой” ХК-ийг “эрхшээх” эрхтэй болсон нь Т.Аюурсайханд “ертөнцийн үүд”-ийг нээж өгчээ. Ингээд Т.Аюурсайхан 2016 оноос хойш хажуугаасаа салгаагүй хоёр шадар туслахынхаа нэгийг буюу Баатарын Отгонжаргалыгаа “Эрдэнэс тавантолгой” ХК руу илгээжээ. Б.Отгонжаргалыг очмогц нь Б.Ганхуяг тосож аваад, “Эрдэнэс тавантолгой” ХК-ийн Худалдан авалтын албаны дарга бөгөөд Ерөнхий аудитороор томилжээ. Ингээд туслах явсан Б.Отгонжаргал хормын төдийд “Эрдэнэс тавантолгой” ХК-ийн тендер, худалдан авах ажиллагааг хариуцдаг, нэг ёсондоо авдарных нь түлхүүрийг атгасан чухал хүн болж, Т.Аюурсайханаас “даалгавар” хүлээж суудаг болжээ.

Т.Аюурсайхан саяхан тайлбар хийхдээ “Шалгагдаж байгаа Б.Отгонжаргал 2016 онд миний зөвлөхөөр ажиллаж байгаад, удалгүй өөрийн хүсэлтээр ажлаасаа гарсан. Надтай огт хамаагүй” гэж байна лээ. Үнэн хэрэгтээ Б.Отгонжаргал хэдий “Эрдэнэс тавантолгой” ХК-д “хурган” дарга болсон ч 2016 оноос хойш өдийг хүртэл буюу АТГ-ынханд ачигдах хүртлээ Т.Аюурсайханы хэлсэн үг, хийсэн үйлдлийг сошиал орчинд түгээх ажлаа огт орхигдуулаагүй байгаа юм. Тэр байтугай, Т.Аюурсайханы 2020 оны УИХ-ын сонгуулийн санхүүжилтэд цалингаасаа 5.0 сая төгрөг хүртэл хандивласан байгаа юм. Ийм байхад Т.Аюурсайхан “Тэр хүн надад хамаагүй” гэж мэлзэх нь жудаггүй л хэрэг.

Т.Аюурсайхан ингэж нэг туслахаа Б.Ганхуягийн дэргэд дарга сэтэртэй суулгаж, нөгөө туслахаа өөрийнхөө дэргэд үлдээсэн нь алсыг харсан төлөвлөгөө байжээ. Т.Аюурсайхан өөрийнхөө дэргэд үлдээсэн шадар туслах Ишравжаагийн Даваадоржийгоо 2020 оны Орон нутгийн сонгуулиар өөрийн тойрогтоо “сойж”, Чингэлтэй дүүргийн ИТХ-ын төлөөлөгч, дүүргийн МАН-ын хорооны дэд дарга болгожээ. Тэр байтугай, Т.Аюурсайхан өнгөрсөн аравдугаар сард Хөдөлмөр, нийгмийн хамгааллын сайд болмогцоо И.Даваадоржийгоо яамныхаа харьяа Хөгжлийн бэрхшээлтэй хүний хөгжлийн ерөнхий газрын даргаар томилжээ. И.Даваадорж хэдий агентлагийн дарга болтлоо дэвшсэн ч Т.Аюурсайханы Чингэлтэй дүүрэг дэх бие төлөөлөгчийн ажлаа давхар гүйцэтгэдэг юм билээ. Гишүүний туслах, бие төлөөлөгчөөс дүүргийн төлөөлөгч, төлөөлөгчөөс агентлагийн дарга болж дэвших хувь заяа хэн хүнд тохиогоод байдаггүй биз. Тэгвэл Т.Аюурсайхан туслах И.Даваадоржийгоо ийн “тэнгэрт тултал” татаж, тушаал дэвшүүлээд байгаа нь цаанаа нарийн учиртай байжээ. Өөрөөр бол, Т.Аюурсайханы туслах И.Даваадорж өнгөрсөн хугацаанд хэд хэдэн компани байгуулж, тендерт бэлтгэжээ.

Т.АЮУРСАЙХАНЫ ХОЁР ТУСЛАХЫН АМЖИЛТТАЙ ХОРШИЛ БУЮУ "ЭРДЭНЭС ТАВАНТОЛГОЙ" ХК-ИЙН 8.9 ТЭРБУМ ТӨГРӨГИЙН ТЕНДЕРИЙГ БУДИЛААНТУУЛЖ, ӨӨРСДӨДӨӨ АВСАН НЬ

“Эрдэнэс тавантолгой” ХК 2020 оны нэгдүгээр сарын 24-нд “Уурхайн ажилчдын хотхоны барилга угсралт”-ын ажил гүйцэтгүүлэх 8.6 тэрбум төгрөгийн санхүүжилттэй тендер зарлажээ. Тус тендерт “Сити палас” ХХК, “Лаки лайф” ХХК гэх хоёр компани оролцсон боловч “Шаардлага хангаагүй” гэх үндэслэлээр аль алиныг нь шалгаруулалгүйгээр тендерийг цуцалжээ. Тендерийн цахим санд аль аль компанийг нь “Хасагдсан” гэж бүртгэсэн байгаа юм.

Гэтэл гайхмаар нэг зүйл болжээ. Өнөөх “Шаардлага хангаагүй” гэж тендерээс хасагдсан “Лаки лайф” ХХК 2020 оны хоёрдугаар сарын 13-нд “Эрдэнэс тавантолгой” ХК-тай “Уурхайн ажилчдын хотхоны барилга угсралт ажлын гүйцэтгэх” 8.9 тэрбум төгрөгийн гэрээг үзэглэжээ. “Эрдэнэс тавантолгой” ХК-ийн 2020 оны Худалдан авах ажиллагааны тайланд энэхүү 8.9 тэрбум төгрөгийн тендер гэрээний тухай “Тендер шалгаруулалт амжилтгүй болсон тул шууд гэрээ байгуулав” гэж дурджээ. Өөрөөр бол, тус 8.9 тэрбум төгрөгийн тендерт оролцсон “Сити палас” ХХК, “Лаки лайф” ХХК гэх хоёр компанийг хоёуланг нь “Шаардлага хангаагүй” гэж хасаад, дараа нь “Лаки лайф” ХХК-тай шууд гэрээ байгуулчихсан байгаа юм.

Тэгвэл энэ тендер яагаад ингэж будилаантай болж, "Лаки лайф" ХХК гэрээ байгуулж чадсаныг одоо тайлбарлая. “Лаки лайф” ХХК-ийг Ганболдын Гантөмөр гэх эмэгтэй эзэмшиж, удирддаг ажээ. Г.Гантөмөрийг судлаад үзэхээр, Долоонжингийн Дэлгэрмаа гэх эмэгтэйтэй “Мон версус” ХХК-ийг, мөн Долоонжингийн Дэлгэрмаа болон Ишравжаагийн Чанцалдулам нартай “Асгат ресорс” ХХК-ийг тус тус хамтран эзэмшдэг байгаа юм. Хамгийн сонирхолтой нь, “Мон версус” ХХК, “Асгат ресорс” ХХК гэх хоёр компани нь Т.Аюурсайханы туслахаас ЧД-ийн төлөөлөгч, агентлагийн дарга болтлоо дэвшсэн Ишравжаагийн Даваадоржийн компаниуд бөгөөд Долоонжингийн Дэлгэрмаа нь түүний эхнэр, Ишравжаагийн Чанцалдулам нь түүний эгч ажээ.

Зураг1.

Зураг2.

Зураг3. Т.Аюурсайханы туслах И.Даваадоржийн ХОМ

Эндээс бүх зүйл ойлгомжтой болж, Т.Аюурсайхан 2018 онд яагаад туслах Б.Отгонжаргалыгаа “Эрдэнэс тавантолгой” ХК-ийн Худалдан авалтын албан дарга болгож, нөгөө туслах И.Даваадоржийгоо дэргэдээ үлдээснийх нь зангилаа тайлагдаж байгаа юм. Б.Отгонжаргал нь “Эрдэнэс тавантолгой” ХК-д тендер зохион байгуулах ажилдаа гаршиж байх зуур, И.Даваадорж нь тендерт оролцох компаниудаа бэлджээ. Ингээд цаг нь ирж, 2020 онд “Эрдэнэс тавантолгой” ХК-ийн 8.9 тэрбум төгрөгийн барилгын ажлын тендер зарлагдах үед И.Даваадорж эхнэр, эгчийнхээ бизнесийн хамтрагч Г.Гантөмөрийн “цэвэр түүхтэй” “Лаки лайф” ХХК-ийг явуулжээ. Б.Отгонжаргал Худалдан авалтын албаны дарга болсон хэргээ гаргаж, “Лаки лайф” ХХК-д 8.9 тэрбумын ажлыг өгөх ёстой ч хуулийн дагуу заавал тендер зарлах журамтай. Тиймээс ёс төдий тендер зарлаад, тэгмэгцээ тендерээ цуцалж, “Сити палас” гэх компанийг цэвэрхэн “жийгээд”, дараа нь “Лаки лайф” ХХК-тай гэрээ байгуулж, зорилгоо биелүүлжээ. Товчхондоо, Т.Аюурсайханы хоёр туслах маш амжилттай гар нийлж буюу И.Даваадорж нь компаниа явуулж, Б.Отгонжаргал нь тендер будилаантуулах замаар, тухайн компанийг нь шалгаруулан гэрээ байгуулж, 8.9 тэрбум төгрөгийг өөрсдөдөө авах ажиллагааг тун амжилттай зохион байгуулжээ. Гэхдээ энэ бол Т.Аюурсайхан, Б.Отгонжаргал, И.Даваадорж гурвын “Эрдэнэс тавантолгой” ХК-иас авсан ердөө ганцхан тендер гэдгийг дахин сануулах нь зөв байх.

Т.АЮУРСАЙХАНЫ ТУСЛАХ, ЧД-ИЙН ИТХ-ЫН ТӨЛӨӨЛӨГЧ, ХБХХЕГ-ЫН ДАРГА И.ДАВААДОРЖИЙН ХАМААРАЛ БҮХИЙ "ЛАКИ ЛАЙФ" ХХК АР ГҮНТЭД 69 ХАУС БҮХИЙ ТАНСАГ ЗЭРЭГЛЭЛИЙН ХОТХОН БАРЬЖ БАЙНА

Т.Аюурсайхан, Б.Отгонжаргал, И.Даваадорж гурав “Лаки лайф” ХХК-иараа илүү томоор ашиглаж байгаа бас нэг ноцтой баримтыг танилцуулъя. “Лаки лайф” ХХК өмнө нь улсын төсвийн 1-2 тэрбум төгрөгийн санхүүжилттэй сургууль, цэцэрлэгийн тендерүүдэд л оролцож, хамгийн сүүлд Баянгол дүүрэгт нэг сургууль хэл амтай барьж дуусгаж байжээ. Харин 2020 онд 8.9 тэрбум төгрөгөөр “Эрдэнэс тавантолгой” ХК-тай Ажилчдын хотхоныг барьж эхэлснийхээ дөнгөж дараагаас Ар гүнтийн аманд хаус хотхон барьж эхэлжээ. Тодруулбал, “Лаки лайф” ХХК Ар гүнтийн аманд 69 айлын тансаг зэрэглэлийн “Ар гүнт вилла” гэх хотхон барьж байгаа ажээ. Эхний 34 хаус нь ашиглалд орж байгаа бол үлдсэн 34 хаусаа энэ оны зургадугаар сард ашиглалтад оруулахаар захиалгаа авч байгаа ажээ. Хаусууд нь 56-112 м2 талбайтай, нэг м2 нь 3.3 сая төгрөгийн үнэтэй юм байна. Дунджаар 90 м2 талбайтай, 69 ширхэг хаус гэж тооцвол зах зээлд 20.4 тэрбум төгрөгөөр зарагдана гэсэн үг юм.

Мөн Т.Аюурсайханы туслах И.Даваадорж нь “Мон версус” ХХК-ийнхаа нэр дээр Богдхан уулын Арцатын аманд 1.5 га газар авчээ. Магад, дараагийн тансаг зэрэглэлийн хаус хороолол тэнд сүндэрлэх биз ээ.

ҮРГЭЛЖЛЭЛ БИЙ...

Т.АЮУРСАЙХАНЫ ТУСЛАХУУД "ЭРДЭНЭС ТАВАНТОЛГОЙ" ХК-ИЙН ТЕНДЕРҮҮДИЙГ "ТҮҮЖ", АР ГҮНТЭД ХАУС ХОРООЛОЛ БАРЬЖ БУЙ НОЦТОЙ БАРИМТ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 35

Сэтгэгдэл үлдээсэн: 2023-09-14 10:33:11

зрр: Аюурсайхан бол олон дайсантай шударга хүн, хэзээ нэг цагттүүнийг ингэх гээд байсан, муу туслахууд муу үйл хийсэн нь тэдний л асуудал шт
Сэтгэгдэл үлдээсэн: 2023-04-13 14:26:20

Иргэн: Аюурсайхан бүх хөрөнгөө хадам талдаа бүртгүүлсэн нь эхнэр нь гэж шуналын дэв энэ залууг эвдсэн бх магадлалтай . Нөхрөө шоронгийн хаалга таттал нь битгий шахаж шаардаж, зовоо .
Сэтгэгдэл үлдээсэн: 2023-01-10 14:44:13

Зочин: АЮУРСАЙХАН ХҮЙ 7 ХУДАГТ ДААГАН ТОЛГОЙГ ТЭР ЧИГТ НЬ ХАШААЛЖ АСАР ҮНЭТЭЙ ЦЭВЭР ЦУСНЫ АДУУ ҮРЖҮҮЛЭХ ХАУС БАРЬСАН ШҮҮ!!! НЭРЭЭ НУУЦЛАЖ СААРАЛ ГЭХ ХОЧ ЗҮҮЖ АСАР ҮНЭТЭЙ АДУУНЫ ХАУС БАРЬСАН НЬ ХУЛГАЙН МӨНГӨ ГЭДЭГ НЬ ГАРЦААГҮЙ!!!
Сэтгэгдэл үлдээсэн: 2023-01-07 19:58:50

Зочин: Одоо төрийн нарийн бичиг албаа солиоч ЕС-аа
Сэтгэгдэл үлдээсэн: 2023-01-07 12:22:36

Зочин: ОЮУК ерөнхий сайд болсноос хойш нууц амрагын сүлжээ яригдсан. Шудрага 5 гэж ийм нөхөд байжээ. Тэр Энхманлай түүний нууц амраг Энхгэрэл нь мэдлэг чадвар маш муу мөртлөө өндөр албанд очсон гэж Зариг сэтгүүлч онцолжээ.БХБЯ ны Энхтуяа АТГ т нөхөр нь ажилладаг. Энхгэрэлийг өдөртөө дэмжээд өндөр албанд тавьсан гээд жиргэсэн. Энэ яахав. Монголд авилгал авах, хөрөнгө хулгайлах гэж сүлжээгээ ингэж үүсгэдэг бололтой юм.Тийм зүйл олон дотор яригдаад байна. Эд нар ДАВААСҮРЭН сайдын эсрэг ажиллаж мэдэх хүмүүс гэж яригдаад өгнөө билээ.
Сэтгэгдэл үлдээсэн: 2023-01-07 12:10:27

Зочин: Шудрага 5 гээд жагсаад нөгөө М. ЭНХБОЛДЫГ хятад мятад гэсаэр унагаад өөрсдөө засаг барьсан. Бүр дордов.Яам тамгын газарт идэхийн тулд нууц амрагын сүлжээ гарсан гэнэ.Зариг ын сэтгүүлч, БХБЯ ны харьяа газрын датга Энхманлай өөрийн нууц амрагтайгаа бас манаргадаг бололтой юм шидээд өгдөг шүү.Энэ дарга нар идэхийн тулд бүх ажлын байрыг өөрийн хүнээр томилдог гэнэ бишүү.
Сэтгэгдэл үлдээсэн: 2023-01-07 11:45:26

zochin: olon nuurtei barzaasan char luivarchin odoo schorond oroch estoi. Toriin albanaas buur ******** ,dald or
Сэтгэгдэл үлдээсэн: 2023-01-07 11:45:25

zochin: olon nuurtei barzaasan char luivarchin odoo schorond oroch estoi. Toriin albanaas buur ******** ,dald or
Сэтгэгдэл үлдээсэн: 2023-01-06 09:58:24

Зочин: Шударга 5 ын 1 шүү дээ хэлэх үг алга да
Сэтгэгдэл үлдээсэн: 2023-01-06 09:57:40

зочин: эд нарыг яая да байз мал бол заазлахсан
Сэтгэгдэл үлдээсэн: 2023-01-05 18:14:15

Зочин: Яаана даа энэ шударга царайлж дүр эсгэсэн Аюурсайхан, дараагийн монгуульд чи амжихгүй шүү хулгайч царайлсан арзайсан царайт
Сэтгэгдэл үлдээсэн: 2023-01-05 10:36:24

Зочин: Сангийн сайд Жавхлан бас
Сэтгэгдэл үлдээсэн: 2023-01-05 10:35:23

Зочин : Хүн болгон л мэдээд байхад.... Сумка, Мөнхбат бас .
Сэтгэгдэл үлдээсэн: 2023-01-05 00:01:33

pПясда: Энэ бүх будлианы ард . Хүрэлсүх гэж луухгар гар татвараа аваад байж байгаа их гарын хулгайч даа!!!!!! Хүрэлсүхийг барьж байж нүүрсний хулгай дуусна,
Сэтгэгдэл үлдээсэн: 2023-01-04 21:53:36

Зочин: Энэ төрд шургалсан юмнууд дотор эрүүл саруулаар сэтгэх 1- ч хүн алгах. Дашраараа хулгайчид. Яаж ингэж чадаж бнаа? Ичих нүүргүй, сэтгэл зүрхгүй луйварчид!
Сэтгэгдэл үлдээсэн: 2023-01-04 18:34:43

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:43

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:43

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:42

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:41

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:41

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:40

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 18:34:38

Зочин : Нөгөө шудрага 5 ын нэг. Өөрсдөө ийм хулгайч нар байж хэлэх муу үг алга. Үоронд хий.
Сэтгэгдэл үлдээсэн: 2023-01-04 17:26:31

Zochin: Mandakhbayariin Erkhet mongoliin rsaad ezen n' yavj yavj Amarbayasgalan baikh shyy.
Сэтгэгдэл үлдээсэн: 2023-01-04 17:25:19

Зочин: Хөгийн худалч дүр эсгэгч. Нээх их ашиг сонирхолын зөрчил яриад солиороод байдаг байсан. Нээх шударга дүр эсгээд байсан нь идэж уух гээд л үхэлдээд байсан юм байна л даа. Ер нь тэгээд залуучууд залуучууд л гээд байдаг. Ямар ч төрийн ажлын туршлагаггүй, хамгийн гол нь төлөвшөөгүй хүмүүс яаж төр засаг барилцах вэ дээ. Яагаад ч чадахгүй. Одоо тэр Оюун-Эрдэнэ гэж 1 нөхөр. Айл гэр болж тоглоно гэдэг шиг Засгийн газар байгуулж тоглохоо болимоор юм. Улс орон, ард түмний чинь амьдрал хэцүүдлээ.
Сэтгэгдэл үлдээсэн: 2023-01-04 16:26:32

баасан : энэ барзайсан псда нөгөө ишиг эврээ ургахаар эхийгээ мөргөдөг гэдэг шиг хөл дээрээ тэнцэж ирээд БАГАБАНДийн гар хөл болохоос залхаж түүнийгээ миалж явсан. одоо яг багабанди шигээ цүнх баригчдаа бэлдээд төрийн мөнгөнөөс шаагаад эхэлж, одоо л барьж зогсоож могойн үрийг таслаж шоронд морилуул. шодорго үнэний дүр исгэгч новш
Сэтгэгдэл үлдээсэн: 2023-01-04 15:28:01

Монгол: Үнэхээр итгэлгүй хулгайчуудаа л сонгодог юм бна Хялайсан муу новшын уран үгэнд нь итгэж явсан гоё ярьдаг л хулгайч байжээ
Сэтгэгдэл үлдээсэн: 2023-01-04 14:48:49

Eldee: Shudargaa ch hat jingene evgui gar
Сэтгэгдэл үлдээсэн: 2023-01-04 14:48:12

ЗОЧИН: АЮУРЫН БУЗАР БУЛАЙ ДУУСАХГҮЙ ХУНШГҮЙ ГАР
Сэтгэгдэл үлдээсэн: 2023-01-04 14:39:06

1: Нөгөө шударга-5-ын нийтлэг төрх ийм бөлгөө
Сэтгэгдэл үлдээсэн: 2023-01-04 14:36:56

Төрөө: Аюурсайхан сүүлийн хэдэн жил аймшигтай баяжсан нь үнэн ш дээ. Шударга царайлсан худ гар
Сэтгэгдэл үлдээсэн: 2023-01-04 14:35:49

Galdan: Ayursaihan bol jinhene nuursnii hulgaich. Ganhuyagiin ard hamag mungiig ni zusalsab hun barij saatuulah heregtei
Сэтгэгдэл үлдээсэн: 2023-01-04 13:41:35

иргэд: Мандахбаяр Амарбаясгалангын найз гэсэн Аюурсаыхан гөлийсөн шударга царайлсан хулгайч
Сэтгэгдэл үлдээсэн: 2023-01-04 13:36:18

Ерөнхий прокурор жаргалсайхан хөдлөөч.: МОНГОЛЫН ЕРӨНХИЙ ПРОКУРОР их удаан хөдлөх юм даа. Асуудал дагуулж байгаа ерөнхий прхокурор агсан Дорлигжав, энхамгалан нарын хэргийг хөдөлгөөгүй. УИХ ын гишүүнтэй холбоотой мэдээлэл цуварч байхад хуулийнхан таг дуугүй. ТӨР өөрчлөлт хийе гэж байгаа бол хуулийн байгууллагуудын удирдлагаа өөрчилж шинэчлэхгүй бол хөдлөх хүн алга даа.
Сэтгэгдэл үлдээсэн: 2023-01-04 11:51:07

Зочин: Мандахбаярын ,эрхэт монгол , группын барьж байгаа орон сууц хауснууд бас адилхан.

Шинэ мэдээ

Нийтлэлчид