Хоёрхон жилийн өмнө хорих ялтай хэрэгтэн байсан С.Баярцогт улс төрд эргэн ирж байна. Тэгэхдээ бүр, “Ноёны бөх” болоод буцаж ирж буй нь “чшш” гэх нууц биш болчихлоо. Өөрөөр бол, С.Баярцогтыг дахин улс төрд “зодоглуулахаар” зэхэж байгаа “ноён” нь У.Хүрэлсүх гэж ил, далд ярьцгааж байна. У.Хүрэлсүх С.Баярцогтыг зүүний манлайгаас “зодоглуулж”, АН-ыг атгандаа оруулах гэсний зорилго нь ч өнгөн талаасаа тун тодорхой харагдаж буй. Нэн түрүүнд, АН-ыг ирэх сонгуулиар УИХ-д аль болох олон суудалтай болгож өгнө. Ингэсэн нөхцөлд “ач хариулах” зарчмаар “автомат”-аар ажилладаг Төрийн тэргүүний кноп олон болно. Хориг тавих эрхээ эдэлж эхэлнэ гэсэн үг. Дараа нь, Ардын намд ард түмэн итгэл алдарчихаад байгаагаар шалтаглаж, АН-тай эвсэж, Хамтарсан Засгийн газар байгуулах “лобби” хийнэ. Хэрвээ чадвал АН-ын нэрийн доор өөрийн “арми”-аа Засагт оруулна. УИХ-д АН, МАН-ын нийлсэн олон кноптой, Засагт олон төлөөлөлтэй болсон цагт У.Хүрэлсүх улс төрийг утгаар нь эрхшээнэ гэсэн үг.
Тэгвэл одоо У.Хүрэлсүх яагаад заавал С.Баярцогтыг сонгосон юм бол гэж бодоод үзье. Нарсанд суух гэж байхад нь хэргүүдийг нь хааж, наймаалцах хялбар байсан байж болно, шалтгаан мөн. Дээрээс нь, У.Хүрэлсүх, С.Баярцогт хоёр нэг насны зөрүүтэй, нэг Засгийн газарт хоёр ч удаа тохой нийлүүлж байсан, нэг нэгнээ сайн мэднэ. Нам дотроо 80-аад оныхондоо шахагдаж байгаа учраас нас чацуутан хамтрагч хайсан гэж харвал энэ ч бас шалтгаан мөн. Гэхдээ У.Хүрэлсүх С.Баярцогтыг “бамбай”-гаараа сонгосон нь улс төрийн илүү том зорилготой байж болохыг тайлбарлая. С.Баярцогт 2014 онд “Ер нь бол бүх намуудыг тараагаад, дахин шинээр байгуулах ёстой. Манай Ерөнхийлөгч Ц.Элбэгдорж ч ийм байр суурьтай байдаг. Яагаад гэвэл манайд намууд анхнаасаа сонгодог утгаараа байгуулагдаагүй” гэх агуулгатай ярилцлага өгч байлаа. Өөрөөр бол, С.Баярцогт намын харьяалал харгалзахгүй нөхөрлөж, хувийн бизнес, хувьсгалын ажлаа зэрэг явуулдаг арга барилтай, тэгж ч ажиллаж ирсэн. Тэр ч утгаараа АН, МАН-ын аль эрх мэдэлтэй, эдтэй гэсэн томчууд, тэр байтугай намд харьяалагдах бүү хэл, нам харьяалах хүртлээ томорцгоосон “бизнесийн бүлэглэл”-үүд ч С.Баярцогттой холбоо хамааралтай байж ирсэн.
Товчхондоо, У.Хүрэлсүх С.Баярцогтыг АН-ын дарга болгох замаар улс төрд эргэн оруулж, улмаар АН, МАН-ын, бүр МАНАН-ийн томчуудыг тугандаа нэгтгэх нэг зорилготой гэж харагдаж байгаа юм. Нам доторх 80-аад оныхон нь хэт хавчаад байгаа учраас АН, МАН-ын “нууц ноёд”-ыг нэгтгэх замаар “алдагдсан” эрх мэдлээ эргүүлж авъя гэж бодсон байж болох гэсэн үг шүү дээ.
Тэгвэл С.Баярцогт урьд нь улс төр, бизнесийн томчуудтай хэрхэн хоршиж ирснийг хэдэн жишээгээр харуулъя.
С.БАЯРЦОГТ БА “М СИ ЭС”-ИЙНХЭН
С.Баярцогт “М Си Эс”-ээр “овоглодог” МАН-ынхантай холбоо хамаарал тун зузаан. Жишээ нь, С.Баярцогт “М Си Эс”-ийн барьсан тансаг зэрэглэлийн “Белла Виста” хотхоноос хүү Б.Гомбо-Эрдэнийнхээ нэр дээр нэг орон сууц, өөрийнхөө нэр дээр нэг таун хаустай болсон. Гэхдээ нийт 2.0 тэрбум орчим төгрөгөөр үнэлэгдэх энэ үл хөдлөх хөрөнгүүдийг "М Си Эс"-с ямар замаар өөрийн болгосноо тайлбарлаж чадаагүй гэдэг. Улмаар хууль хяналтынханд удтал шалгагдаж, хураалгах дээрээ тулаад хэрэг нь цагаадсан байдаг.
Цаашилбал, “М Си Эс”-ийн нэг төлөөлөл УИХ-ын гишүүн Л.Энх-Амгалан “Белла Виста” хотхоны таун хаусын 12 тоотод, С.Баярцогт 14 тоотод нь амьдардаг байсан бөгөөд тэд нэг гэрийн үйлчлэгчтэй байсан гэх. Энэ тухай тэдний гэрийн үйлчлэгч байсан О.С гэх эмэгтэйн шүүхэд өгсөн мэдүүлэг бий. Мөн С.Баярцогт, “М Си Эс”-ийн бас нэг төлөөлөл УИХ-ын гишүүн Ц.Мөнх-Оргил, “АПУ”-гийн П.Батсайхан нарын дундын эзэмшлийн сан бий. “М Си Эс”-ийн өөр нэг төлөөлөл УИХ-ын гишүүн Д.Цогтбаатартай хамтран эзэмшдэг ТББ ч байдаг.
"АПУ", “М Си Эс”-ийнхэн ингэж нийтээрээ С.Баярцогтод “талтай” гэж харвал, Сү.Батболдынхон ч түүнийг цаашаа гэхгүй нь лав.
С.БАЯРЦОГТ БА МАН-ЫН “МӨНГӨНИЙ МАШИН” Б.ДЭЛГЭРСАЙХАН
МАН-ын “мөнгөний машин” гэгддэг УИХ-ын гишүүн Б.Дэлгэрсайхан, С.Баярцогт хоёрын холбоо хамаарал бүр ч эртнийх. Тухайлбал, УИХ-ын гишүүн Б.Дэлгэрсайхан, С.Баярцогт хоёр оффшор дансны хэргээрээ олон нийтэд хамт чичлүүлж байлаа. Дараа нь С.Баярцогтын Оюутолгойн буюу “Айвенхоу майнз”-ын хувьцаатай холбоотой хэрэг дэлгэгдэх үед Б.Дэлгэрсайхан Швейцарын Прокурорын газарт хамт шалгагдаж байв.
Тэднийг Оюутолгойн хувьцаа хэрэгт хамтарсан байж болзошгүй гэж үзэх баримтууд ч байсан юм билээ. Шүүхийн тогтоолоос эш татаж, товч тайлбарлавал, УИХ-ын гишүүн Б.Дэлгэрсайхан Оюутолгойн гэрээ байгуулагдахаас өмнөхөн буюу 2008 оны есдүгээр сард С.Баярцогтын оффшор бүсэд бүртгэлтэй данс руу 8.2 сая евро шилжүүлжээ. С.Баярцогт үүнээс жилийн дараа буюу 2009 оны наймдугаар сард “Авенхоу майнз”-ын 150 мянган ширхэг хувьцааг 1.2 сая ам.доллароор худалдаж авсан. Удалгүй Оюутолгойн гэрээ байгуулагдаж, “Авенхоу майнз”-ын хувьцаа өсөж эхэлсэн. Улмаар зургаан сарын дараа буюу 2010 оны дөрөвдүгээр сард С.Баярцогт 150 мянган ширхэг хувьцаагаа 2.7 сая ам.доллароор зарж, хувьцааны өсөлтийн зөрүүнээс 1.3 сая ам.долларын ашиг олсон. Ингээд С.Баярцогт Б.Дэлгэрсайханы Швейцарь дахь данс руу авсан мөнгөө буцааж шилжүүлсэн гэдэг. Товчхондоо, энэ ноцтой сэжүүрээр Б.Дэлгэрсайхан, С.Баярцогт нар Швейцарын прокурорт хамт шалгагдсан. Б.Дэлгэрсайханы тухайд дээрх мөнгийг зөвхөн зээл байсан гэж тайлбарласан бөгөөд С.Баярцогттой өмнө нь ч мөнгө өгөлцөж, авалцдаг байснаа хүлээсэн. Жишээ нь, Б.Дэлгэрсайхан С.Баярцогтын эхнэрийн “Товхон хан” компаниас тариа будаа зээлээр авч, төлбөрөө увуулж, цувуулж өгдөг байснаа мэдүүлсэн байдаг.
Энэ өнцгөөс харвал, С.Баярцогт “мөнгө зээллээч” гэхээр нь 8.2 сая евро жишим ч үгүй шилжүүлж байсан Б.Дэлгэрсайхан одоо ч түүнд “үгүй” гэж чадахгүй биз.
С.БАЯРЦОГТ БА “АНОД”, “МОННИС”, “АЭРО МОНГОЛИА”-ГИЙН НУУЦ НОЁН Х.ДӨЧИНТАВ
Богдхан уулын Нүхтийн амны дээд үзүүрт “Гачуурт”-ын Л.Чинбат, “Ажнай” Д.Бат-Эрдэнэ, С.Баярцогт, Ч.Сайханбилэг, Х.Дөчинтав нар нийлж, нийт есөн ширхэг тансаг байшин бариулжээ. Орчныхоо тохижилтын газар шорооны ажлыг “Гачуурт”-ын Л.Чинбат, цахилгаан, ус, дулаан татах ажлыг Х.Дөчинтав гэх мэтээр хамтарцгаажээ. Гайхмаар нь, С.Баярцогт, Ч.Сайханбилэг нар байшингийнхаа гэрчилгээг өөрсдийнхөө нэр дээр биш Х.Дөчинтавын нэр дээр гаргуулжээ. Тухайлбал, С.Баярцогтын байшинг Х.Дөчинтавын нэр дээр, Ч.Сайханбилэгийн байшинг Х.Дөчинтавын төрсөн эгчийн хүүхэд н.Эрдэнэбаярын нэр дээр гаргуулсан байгаа юм.
Х.Дөчинтав гэгч нь хэн бэ гэхээр, С.Баярцогтын 1996 онд Германд хамт сурч байсан, өдий болтлоо хувь, хувьсгалын ажлуудаа хамт бүтээлцэж яваа дотнын найз нь. Ямар сайндаа л С.Баярцогт 850 саяын хаусаа хэл амнаас нуухдаа найз Х.Дөчинтавынхаа нэр дээр бүртгүүлэх вэ дээ. Тэгвэл С.Баярцогтын сайн найз Х.Дөчинтавын хувьд уул уурхай, банк санхүүгийн салбарыг хослуулсан, зартай нэгэн.
Тухайлбал, алдарт Анод банкны нөлөө бүхий хувьцаа эзэмшигч байж ирсэн. Уул уурхайн салбарын “акул”-уудын нэг “Моннис интернэшнл”, агаарын тээврийн “Монголиан эйр транспорт групп”-тэй хамтран “Аэро монголиа” ХХК-ийг эзэмшиж ирсэн. “Аэро Монголиа”-г мэдэхгүй хүн үгүй биз. Цааш нь хөөвөл, Ардын намын хамгийн хөрөнгөлөг гишүүдийн нэг, УИХ-ын гишүүн Ц.Цэрэнпунцагтай ч холбогдох. Тухайлбал, Ц.Цэрэнпунцагийн “Аспайр майнинг”-ийн Монгол дахь “Хургатай хайрхан” ХХК-ийг Д.Ачит-Эрдэнэ гэх залуу удирддаг. Тэгвэл Д.Ачит-Эрдэнэ, Х.Дөчинтав нар “Ар Ай Ви” ХХК-ийг хамтран эзэмшдэг байгаа юм. Мөн Х.Дөчинтав Ч.Батмагнай гэгчтэй хөрөнгө оруулалтын “Сод аллокейшн” компанийг эзэмшдэг. Ч.Батмагнайн бизнесүүд нь У.Хүрэлсүхийн төрсөн дүүтэй холбогддог. Гэх мэтээр С.Баярцогтын найз Х.Дөчинтавын бизнес нам, бүлэглэл дамжин үргэлжилнэ.
Товчхондоо, С.Баярцогт нам харгалзахгүй хэрсэн энэ холбоо, хамаарлаа "хэргээ хаалгах", улс төрд эргэх орох "нууц хөзөр" болгож, тэр нь ч Төрийн тэргүүнд таалагдсан байж болох.
| С.БАЯРЦОГТ БУЦАЖ ИРВЭЛ... |
|
"ЕВРО 2024" тэмцээнд шигшээ багууд 26 тоглогчтой оролцохоор боллоо
Нийтийн тээврийн гурван чиглэлд өөрчлөлт
ДУУЧИН НЭНЭГИЙН ДУУНААС ОНЦЛОХ ТАВАН ДУУ
Бараа, ажил, үйлчилгээ худалдан авах тухай хуулийн хэрэгжилт, тулгамдаж буй асуудлын талаар хэлэлцлээ
Хичээл хийхэд тохиромжтой найман газар
Нөөцийн махны өргөтгөсөн худалдаа болж байна
Бага насны хоёр хүүхдийг муу усны нүхнээс эсэн мэнд оллоо
Нэгдүгээр ээлжийн цэрэг татлага үргэлжилж байна
Дорнод аймагт гарсан хээрийн түймрийг унтраажээ
XII ТОЙРОГ: “ХӨРӨНГӨТНИЙ ТОЙРОГ” ГЭГДЭХ ХАН-УУЛД МАН-ААС Ч.НОМИН, Т.МӨНХСАЙХАН, Ж.АЛДАРЖАВХЛАН ГОРИЛЖ БАЙНА
ААВЫНХАА ЗАХИАСЫГ БИЕЛҮҮЛЖ ЯВАА Н.АРИУНБОЛД ГАВЬЯАТ
ТҮМНИЙ НЭР БАРЬСАН ТӨРИЙН ДЭЭРЭМ БУЮУ БАЯЛГИЙН САН
Ц.ШИЙРЭВ: Сайн тамирчин болгохоос өмнө бие хүн болгон төлөвшүүлэх хэцүү
Ч.АВИРМЭД: ТӨРИЙН ШАГНАЛТ, СОЁЛЫН ГАВЬЯАТ ЗҮТГЭЛТЭН Д.БАТБАЯР ЗОХИОЛЧИЙН "ХАЙРЫГ ХАЙРЛА" ЖҮЖГИЙН ГОЛ ДҮРИЙГ БҮТЭЭХ НЬ ЗАЛУУ ЖҮЖИГЧНИЙ ХУВЬД БАХАРХАЛТАЙ БАЙЛАА
“КОЙНЧИН”, ХҮЧИРХИЙЛЭГЧ Ч.ГАНХУЯГИЙН НОЦТОЙ БАРИМТУУД
Б.Баасанхүү жүдо бөхийн Душанбе “Их дуулга” тэмцээний аварга боллоо
Л.Энхрийлэн Душанбе “их дуулга”-аас хүрэл медаль хүртэв
Отгонтэнгэр их сургууль "Оюутны лиг"-ийн сагсан бөмбөгийн тэмцээнд амжилттай оролцсон тамирчдаа хүлээн авлаа
ДЭЛХИЙН ХЭВЛЭЛИЙН ЭРХ ЧӨЛӨӨНИЙ ӨДӨРТ ЗОРИУЛАН ГАРГАСАН МОНГОЛ УЛСЫН ИХ ХУРЛЫН ДАРГЫН ИЛГЭЭЛТ
МАНАЙ СЭТГҮҮЛЧ Д.ЧАНЦАЛДУЛАМ “ЦАХИУР” ЭРЭН СУРВАЛЖЛАХ БҮТЭЭЛИЙН УРАЛДААНЫ ГРАН ПРИ ШАГНАЛЫН ЭЗЭН БОЛЛОО
ЖҮДО БӨХИЙН “ДУШАНБЕ 2024” ГРАНД СЛАМ ЭХЭЛЛЭЭ
ГАЛ, УС ШИГ ХАРШИЛЖ БУЙ ЭРҮҮГИЙН ХУУЛЬ БА ХЭВЛЭЛИЙН ЭРХ ЧӨЛӨӨ
УИХ-ЫН ГИШҮҮДИЙН БАЙР СУУРЬ: УЛС ТӨРИЙН НАМУУД СЭТГҮҮЛЧДИЙН ЭРХИЙГ ХАМГААЛЖ, ДЭМЖИЖ АЖИЛЛАХ ЁСТОЙ
НББХ: Цэргийн алба хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийг хэлэлцэхийг дэмжлээ
МҮОХ-ын ерөнхийлөгч Б.Баттүшиг боксын тамирчдад амжилт хүслээ
ХУУЛЬЧ Ч.ӨНӨРЖАРГАЛ: МЭРГЭЖЛИЙН ҮЙЛ АЖИЛЛАГАА, ХЭВЛЭЛИЙН ЭРХ ЧӨЛӨӨНД ЗАНАЛХИЙЛЖ БАЙГАА ХУУЛИЙН ОЛОН ЗААЛТЫГ ӨӨРЧИЛЖ, СЭТГҮҮЛЧДЭЭ ХАМГААЛАХ ХУУЛЬТАЙ БОЛОХ ХЭРЭГТЭЙ
Сагсан бөмбөгийн 3х3-ын олимпын эрх олгох тэмцээн өнөөдөр эхэлнэ
Үндэсний шигшээ багийн ажлын хэсэг хуралджээ
Зудад малаа алдсан малчид банкны зээлээ дарж чадахгүй сандарч байна
ЭГЭЛ АМЬДРАЛЫГ БҮТЭЭЛЭЭРЭЭ МӨНХЛӨГЧ
СЭТГҮҮЛЧИЙН ЭРХ ЗӨРЧИГДӨЖ, ХАЛДЛАГАД ӨРТСӨН, АМИА АЛДСАН ЗАРИМ БАРИМТ
ЖУРАМЛАСАН ТОЛЬ, ХАЙРТАЙ ХҮМҮҮСИЙН ЗУРАГ, ДУУССАН ТЭМДЭГЛЭЛИЙН ДЭВТРЭЭР ДҮҮРЭН СЭТГҮҮЛЧДИЙН ШИРЭЭ
“ТАТАР”-ЫН Д.МӨНХЧУЛУУН: АМЬДРАЛАА ХИП ХОПГҮЙГЭЭР ТӨСӨӨЛӨХӨД БЭРХ
ЦАГ АГААР: Улаанбаатарт өдөртөө 19 хэм байна
