ХӨГЖЛИЙН БАНКАНД 181 ТЭРБУМ ТӨГРӨГИЙН ӨРТЭЙ “БЭРЭН ГРУПП” ХХК-ИЙН АРД УИХ-ЫН ГИШҮҮН Ц.ДАВААСҮРЭН БАЙДАГ УУ

Б. Цогтбаяр:
Улс төр- Анхаарлын төвд

2022-11-13, 2652

УИХ-ын гишүүн Ц.Даваасүрэн төсөв хэлэлцэж эхлэхтэй зэрэгцээд Сангийн сайд Б.Жавхланг хатгаж, хэрэлдэж эхэлсэн. Микрофон ашиглах минутаа зөвхөн Б.Жавхлантай хэрэлдэхэд л зарцуулдаг болсон. Улмаар өнгөрсөн баасан гарагт “Сангийн сайд Б.Жавхлан огцруулах шаардлага хүргүүлэх тухай” албан бичгийг Ерөнхий сайд Л.Оюун-Эрдэнэд хүргүүлсэн. Хэрвээ Б.Жавхланг огцруулахгүй бол Засгийн газрыг бүхэлд нь огцруулах акц өрнүүлнэ даналзсан. Ц.Даваасүрэн Б.Жавхланг Сангийн сайд болоод 20 сар болоход “Огцор” гэж нэг ч орилоогүй. Атлаа одоо гэнэт “Огцор” гэж орилох болсон нь ойлгомжгүй байгаа. Өөрөөр бол, Ардын нам доторх ан цав ингэтлээ томров уу, эсвэл тэд хагаралтай, хэрүүлтэй харагдах зохиолтой жүжиг тоглож, цаагуураа өөр “ажил” амжуулаад байна уу гэдэг эргэлзээ байгаа юм.

Тэгвэл УИХ-ын гишүүн Ц.Даваасүрэн, Сангийн сайд Б.Жавхлан нарын хэрүүлийн цаана Хөгжлийн банк байгаа гэж хардах өнцөг, бас баримт байна. Тодруулбал, УИХ-ын гишүүн Ц.Даваасүрэн “Б.Жавхлан Хөгжлийн банкны найдваргүй зээлүүдийг Засгийн газар баталгаа гаргаж төлөх тогтоол оруулж ирсэн байна. Ингэж болохгүй. Хөгжлийн банкны зээлдэгчид дотор Сангийн сайд Б.Жавхлангийн хамааралтай байж болзошгүй компаниуд хэд хэд байна” гэж ярьснаар анх хэрүүлээ эхлүүлсэн. Тэгвэл УИХ-ын гишүүн Ц.Даваасүрэн өөрөө Хөгжлийн банкны хамгийн том найдваргүй зээлдэгч буюу 181 тэрбум төгрөгийн өртэй “Бэрэн групп” ХХК-тай холбоотой байж болзошгүй баримт байна. Өөрөөр хэлбэл, УИХ-ын гишүүн Ц.Даваасүрэн “Бэрэн групп” ХХК-ийн Хөгжлийн банкны зээлтэй холбоотой асуудлаар Сангийн сайд Б.Жавхланг "хоргоож" байгаа гэж хардаж болохоор байна.

УИХ-ЫН ГИШҮҮН Ц.ДАВААСҮРЭНГИЙН ТӨРСӨН ДҮҮ БОЛОН ТУСЛАХ НЬ “БЭРЭН ГРУПП” ХХК-ТАЙ 2013 ОНООС ХОЙШ “ЭС ПИ ЭС ИНТЕРНЭШНЛ” ХХК-ИЙГ ХАМТРАН ЭЗЭМШИЖ ИРЖЭЭ

Тодруулбал, УИХ-ын гишүүн Ц.Даваасүрэн хоёр дүүтэй. Төрсөн дүү Ц.Пүрэв-очир нь 2013 оноос хойш “Бэрэн групп” ХХК-тай хамтран “Эс Пи Эс интернэшнл” ХХК-ийг эзэмшиж иржээ. Харин тус компанийн гүйцэтгэх захирлаар нь Баярмагнайн Ганзориг гэх залуу ажилладаг. Судлаад үзвэл, Баярмагнайн Ганзориг нь Ц.Даваасүрэнгийн хувийн туслахаар давхар ажилладаг юм байна. Өөрөөр хэлбэл, УИХ-ын гишүүн Ц.Даваасүрэн төрсөн дүү, туслах хоёроороо дамжуулж “Бэрэн групп” ХХК-тай 10 жил холбоотой явж ирсэн гэж харагдаж байна.

ТАЙЛБАР: "Эс пи Эс интернэшнл" ХХК-ийн гүйцэтгэх захирал, УИХ-ын гишүүн Ц.Даваасүрэнгийн туслах Б.Ганзориг

Хамгийн ноцтой нь, “Бэрэн групп” ХХК нь Хөгжлийн банкнаас 2014 онд арматурын үйлдвэр барина гэж 27.1 сая ам.доллар, 2017 онд Хангай хотхоныг барих гэж 11.6 сая ам.долларын зээл тус тус авсан. Одоогоор “Бэрэн групп” ХХК нь Хөгжлийн банкны хамгийн том найдваргүй зээлдэгч буюу зээлийн өр төлбөр, үлдэгдэл нь 181 тэрбум төгрөг болоод байгаа. УИХ-ын гишүүн Ц.Даваасүрэнгийн төрсөн дүү Ц.Пүрэв-Очир 2013 оноос “Бэрэн групп” ХХК-тай хамтарч эхэлсэн гэхээр аль аль зээлд нь Ц.Даваасүрэн нөлөөлсөн байж болзошгүй дүр зураг харагдаж байгаа юм. Мөн өнгөрөгч хоёрдугаар сард УИХ-аас байгуулсан Хөгжлийн банкны найдваргүй зээлдэгчдийг Хянан шалгах ажлын хэсэгт УИХ-ын гишүүн Ц.Даваасүрэн багтсан. Ц.Даваасүрэн тус ажлын хэсэгт багтсан нь цаанаа “Бэрэн групп” ХХК-ийг “но”-г цэгцлэх зорилготой байсан гэж харагдаж байгаа юм.

УИХ-ын гишүүн Ц.Даваасүрэнгийн төрсөн дүү Ц.Пүрэв-Очир, туслах Б.Ганзориг нарынх нь “Бэрэн групп” ХХК-тай хамтран эзэмшдэг “Эс Пи Эс Интернэшнл” компанийн тухайд модон эдлэл, мебель тавилгын үйлдвэрлэлийн чиглэлээр үйл ажиллагаа явуулдаг. Гэхдээ “Улаанбаатар цахилгаан түгээх сүлжээ” ТӨХК, “Амгалан дулааны станц” ТӨХК зэрэг эрчим хүчний салбарын төрийн өмчит компаниудад бараа бүтээгдэхүүн нийлүүлэх, зураг төсөл гаргаж өгөх зэргээр гэрээлж ирсэн байгаа юм. УИХ-ын гишүүн Ц.Даваасүрэнгийн тухайд эрчим хүчний салбар дахь нөлөө ихтэй, гол шахааг нь хийдэг гэгдэж ирсэн. “10 хувийн” гэх хоч нь ч энэ салбартай холбоотой гэгддэг.

Ингээд харвал, УИХ-ын гишүүн Ц.Даваасүрэн Хөгжлийн банкны хамгийн том найдваргүй зээлдэгч буюу 181 тэрбум төгрөгийн өртэй “Бэрэн групп” ХХК-ийг төрд “төлөөлдөг” нууц ноён нь байж болзошгүй харагдаж байгаа юм. Энэ өнцгөөс харвал, УИХ-ын гишүүн Ц.Даваасүрэн болон Сангийн сайд Б.Жавхлан хэрэлдэж эхэлсний цаад шалтгаан илүү тодорхой харагдана. Өөрөөр бол, Хөгжлийн банкны зүгээс, тэр тусмаа Сангийн сайд Б.Жавхлан “Бэрэн групп” ХХК-ийн зээлийг төлүүлэхээр шахамдуулсан, эсвэл нэмж зээл авахад нь саад учруулсан, үгүй бол Засгийн газраас баталгаа гаргах зээлдэгчдийн жагсаалтад багтаагаагүй зэргээр гацаа болсон учраас УИХ-ын гишүүн Ц.Даваасүрэн түүний эсрэг акцалж эхэлсэн гэж харагдаж байгаа юм.

ХӨГЖЛИЙН БАНКАНД 181 ТЭРБУМ ТӨГРӨГИЙН ӨРТЭЙ “БЭРЭН ГРУПП” ХХК-ИЙН АРД УИХ-ЫН ГИШҮҮН Ц.ДАВААСҮРЭН БАЙДАГ УУ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 9

Сэтгэгдэл үлдээсэн: 2022-11-13 16:02:53

songogch: zeelee tul MAN
Сэтгэгдэл үлдээсэн: 2022-11-13 15:59:27

zochin: MAN iig irgeed bugdiig n 30 jil songoson oron dayar buren songood baihad uursduu huvaaj ideed shuuheer haitsaaluulaad busdiig bugdiig n idsen uusan yumgui baihaar n zohiomol hereg uusgeed shorond suulgaad bank dampuuruulaad sanal hudaldaad avchihdag ard tumniig yduu bailgaj talhnii munguur sanal hudaldaj avaad olon jil mongoliim biznes ruu gar durj ulsaa ideed dampuuruulj bgaa humuus bugdeeree adil shu dee
Сэтгэгдэл үлдээсэн: 2022-11-08 06:27:43

Сонгогчид: Байж магадгүй.Энэ гишүүний том нүх ашиг хөндөгдсөн учраас сүүлийн хэдэн сард үндсэн ажлаа хаяад боож үхэх гээд улайраад байна уу даа гэж хардах боллоо.Нарийн юмыг нь бид ямар үхсэндээ мэдэх билээ.Нам дамжсан шудрага царайлсан зальтай олон гишүүдийг бид хууль батлуулахаар итгээд сонгосон чинь хулгай хийж,хувиа бод гэж ойлгосон болтой.Ирэх сонгуульд аль ч нам гэж намирмааргүй байна.
Сэтгэгдэл үлдээсэн: 2022-11-07 21:31:27

10 хувйин даваасүрэн: 10 хувийн даваасүрэнгийн үнэн төрх энэ дээ, шударга үнэний туйл болж жүждэг хогийн шаар
Сэтгэгдэл үлдээсэн: 2022-11-07 15:00:57

иргэн: Талцаал ингэж солиороод байдагаа больцгоовол яасийн. Бүгдий нь буулгамаар юм муухай новшнууд
Сэтгэгдэл үлдээсэн: 2022-11-07 15:00:35

иргэн: Жавхлангийн захиалгат бичвэр байна гэж ойлгов. Хулгайч хулгайчийг бариарай гэдэг шиг л...
Сэтгэгдэл үлдээсэн: 2022-11-07 15:00:34

иргэн: Жавхлангийн захиалгат бичвэр байна гэж ойлгов. Хулгайч хулгайчийг бариарай гэдэг шиг л...
Сэтгэгдэл үлдээсэн: 2022-11-07 12:08:25

зочин: Бүгд адилхан хулгайч нар Монголын Ард түмэн мэдэж бгаа
Сэтгэгдэл үлдээсэн: 2022-11-07 10:45:22

Зориг: Логиктой зүйл бичил дээ, Хэрвээ Бэрэн групптэй холбоотой бол Улсаар өр төлүүлэх тогтоолын төсөл орж ирэхэд уухайн тас зөвшөөрөөд өрөө улсаар төлүүлнэ биз дээ. Бэрэн групп чинь 181 тэрбумын өртэй шүү дээ. Тэгэхэд Даваасүрэн чинь УИХ ингэж тогтоол баталж өрийг улс авч болохгүй гээд байгаа ш дээ.

Шинэ мэдээ

Нийтлэлчид