БНСУ-ын шилдэг бүжгийн хамтлагийг шалгаруулах “Street women fighter” тэмцээний хоёрдугаар улирлын ялагчаар “Bebe” хамтлаг тодорч 37 мянган ам.доллар, цомын эзэн болсон билээ. Тус хамтлагийг 2022 онд хамтлагийн ахлагч Bada Lee байгуулж байжээ. Kyma, Lusher, Tatter, Minah, Sowoen, Cheche гэсэн нийт долоон гишүүнтэй. Хамтлагийн “BEBE” гэх нэр нь  “This day is the newest of our lives” гэх үгний товчлол юм.

Хамтлагийн талаарх сонирхолтой баримт

• Хамтлагийн ахлагч “Bada”-аас бусад гишүүнд нь бүгд 2000 онд төрсөн.
• Багийн хамгийн ахмад болон хамгийн залуу гишүүн есөн насны зөрүүтэй.
• Sowoen, Cheche хоёроос бусад бүх гишүүд “Only Forward Studio”-д бүжгийн багшаар ажилладаг.

Instagram: teambebe_official

ХАМТЛАГИЙН ГИШҮҮДИЙН ТАНИЛЦУУЛГА

Bada Lee

     Bada Lee нь 1995 оны есдүгээр сарын 22-нд төрсөн бөгөөд 175 см өндөр. Тэрбээр "CUPCAKES" бүжгийн хамтлагаас  уран бүтээлийн гараагаа эхэлжээ. Оюутан байхдаа  “Just Jerk” бүжгийн хамтлагт бүжиглэдэг байв. Дунд сургуульд байхдаа бөхийн спортоор хичээллэдэг байв. Тэрбээр залуучуудын эмэгтэйчүүдийн ангилалд тэргүүлж байсан ч бэртлийн улмаас спортоо орхижээ. “2NE1”-ийн “CL”, “BLACKPINK”-ийн “Lisa”, “aespa”, “NCT”, “WayV”, “Super M” болон бусад олон хамтлаг, дуучдын бүжгийг дэглэсэн. Түүний дэглэсэн хамгийн алдартай бүжгүүд нь Кай “Rover”, “Peaches”, “Next Level” (aespa), “LILI’s FILM The Movie” (BLACKPINK-ийн Lisa), “MAVERICK” THE BOYZ юм. Мөн түүний шоуны үеэр дэглэсэн “Smoke” дууны бүжиг нь одоо хамгийн алдартай бүжгийн челленжүүдийн нэг болсон билээ.

Instagram: badalee_ _

Lusher

         Lusher нь 2000 оны тавдугаар сарын 2-нд БНСУ-д төржээ. Тэрбээр " Only Forward" студийн бүжгийн багш, бүжиг дэглээч юм. Тэрбээр  “Highlight”-ын Ли Ги-кванг, “SHINee”-ийн Min-ho, “NCT”-ийн Ten, Viviz болон бусад олон дуучид, хамтлагийн арын бүжигчнээр ажиллаж байжээ.

Instagram: lusher_lee

Kyma

       Kyma нь 2001 оны тавдугаар сарын 31-нд төржээ. Хамтлагийн залуу гишүүдийн нэг бөгөөд мэргэжлийн бүжиг дэглээч, бүжигчин юм. Өөрийгөө тайван атлаа давлагаа шиг ширүүн гэж боддог учраас Kyma гэх нэрийг сонгосон. Түүний нэр нь Латинаар ус гэсэн утгатай ажээ.

Instagram: __kyma.__

Tatter

       Tatter нь 2001 оны зургадугаар сарын 15-нд төржээ. Тэрбээр Choi Yoo-jung, Kai, The Boyz, “Got7”-ийн “Jay B”, “Highlight” зэрэг хэд хэдэн К-Поп хамтлагийн арын бүжигчин байжээ.

Instagram: tatter0tae

Minah

             Minah нь 2002 оны арванхоёрдугаар сарын 27-нд төржээ. Хамгийн авьяаслаг бүжиг дэглээч, бүжигчдийн нэгд тооцогддог түүний амжилтын жагсаалт нэлээд урт. Aespa, EXO-ийн Кай, NCT-ийн Ten зэрэг хамтлагийн арын бүжигчнээр ажиллаж байсан төдийгүй SM агентлагийн аялан тоглолтод оролцож байжээ.

Instagram: minahlee___

CheChe

         CheChe нь 2004 оны нэгдүгээр сарын 13-нд төржээ. Тэрбээр хамтлагийн ахлагч “Bada lee”-ийн шавь байжээ. “Show Me the Money 11” шоунд И Ён Жигийн үзүүлбэрийн арын бүжигчнээр ажиллаж байсан.

Instagram: _che.che.__

Sowoen

         Sowoen нь 2004 оны долдугаар сарын 14-нд төрсөн бөгөөд хамтлагийн хамгийн залуу гишүүн аж. Тэрбээр мөн адил “Bada lee”-ийн шавь  байжээ. “Show Me the Money 11” шоунд И Ён Жигийн үзүүлбэрийн арын бүжигчнээр ажилласан.

Instagram: sowoen