NOMADIC LEGEND 

               Цагаан лавай чуулгын "NOMADIC LEGEND"ардын урлаг,өв соёлын тоглолтоо өдөр бүр 18.00 цагт тоглож байна.Уг тоглолт нь үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг,ардын бүжиг, бие биелгээ, хөөмий магтаал,морин хуур,цамын бүжиг, уртын болон ардын дуу,уран нугаралт гээд ардын урлагийн цогц хөтөлбөртэй тоглолт аж.

ДЭЛХИЙН МОД

               Эх дэлхий үгүй бол амьдрал үгүй. Амьдрал үгүй бол хүмүүн үгүй. Үүсгэсэн соёлт иргэншил дэвшилтэйгээ ор үгүй замхран алга болно. Энэ сүйрлийг хүн төрөлхтөн өөрөө л зогсоох хүчтэй. Үүнийг "Дэлхийн мод" синтез мюзикл бүтээл урлахуйн өвөрмөц шийдлийн хязгааргүй орон зай Монголын анхны "БӨМБӨРЦӨГ" театрын тайзнаа дуу хөгжим, бүжиг жүжиг, циркийн урлагийн холимог хэлэмжээр үзэгч таны гайхлыг гайхамшиг руу хөтлөн оюун санааны судал бүрд эерэг эрчмийг хуйлартал догдлуулан уриалж буй гэнэ. Гол дүрийг хайрын дууч поп дива SALLY /С.Сэрчмаа/ охин С.Хүсэл нар хамт эгшиглүүлж буй.

ШИДЭТ АЛЧУУР

               Bee theater-аас Эх үрсийн баярыг тохиолдуулан хүүхэд багачууддаа зориулж "Шидэт алчуур" хэмээх адал явдалт шинэ уран бүтээлээ хүргэхэд бэлэн боллоо. Шидэт алчуурт шивнэн шивнэн хүссэн хүсэл нь Болдоо, Тэргэл, Туяа гурвыг хаа хүргэж, ямар адал явдлаар аялуулах бол гэдгийг эндээс үзэх боломжтой аж.