ХОТЫН ДАРГА АСАН Ц.БАТБАЯР “ТӨВ ЦЭНГЭЛДЭХ ХҮРЭЭЛЭН”-ГИЙН ХАЖУУД ХУУЛЬ БУСААР АВСАН 1.8 ГА ГАЗРАА “М-ОЙЛ”-ЫН ЭЗДЭД ХУДАЛДАЖ, ТЭНД НЬ 22 ДАВХАР “ГЛОБАЛ ТАУН” ХОТХОН БАРЬЖ БАЙНА

Б. Цогтбаяр:
Эрэн сурвалжлах

2024-02-01, 7926

ЭРГЭЛТ.МН МЭДЭЭЛЛИЙН САЙТЫН “ЭРЭН СУРВАЛЖЛАХ НЭГДЭЛ”-ЭЭС 1999 ОНООС ХОЙШИХ УЛААНБААТАР ХОТЫН ҮЕ ҮЕИЙН ЗАСАГ ДАРГА НАР НИЙСЛЭЛИЙН ГАЗРЫГ ЭРХ МЭДЭЛ, АЛБАН ТУШААЛАА УРВУУЛАН ӨӨРСДИЙНХӨӨ ХАМААРАЛ БҮХИЙ ЭТГЭЭДҮҮДЭД БОЛОН БУСДАД ХУУЛЬ БУСААР ОЛГОСОН БАЙЖ БОЛЗОШГҮЙ БАРИМТЫГ ЦУВРАЛААР ДЭЛГЭЖ БАЙНА.

Хотын дарга Х.Нямбаатар өөрөөсөө өмнөх бүх үеийн Хотын даргын автобусны шахаа, газрын наймаатай холбоотой материалуудыг хар хавтсанд хийгээд АТГ-т шалгуулахаар аваачаад өгчихсөн. АТГ-ынхан эхлээд Хотын дарга асан М.Энхболдыг дуудаж байцаалт авсан. Араас нь, өнгөрсөн арваннэгдүгээр сарын 01 Хотын дарга асан Ц.Батбаярыг баривчилсан. Түүний хувьд, төрд алба хашиж эхэлснээсээ хойш хоёр дахь удаагаа хорихын хаалга татаж буй нь энэ. Өмнө нь, Ерөнхийлөгч асан Н.Энхбаярын хүү, дүү хоёрт “Улаанбаатар таймс” сонин, “Өргөө” зочид буудлыг хувьчлал нэрээр хууль бусаар хулгайлж өгсөн хэргээр 2.1 жилийн ял сонсож, жил гаруй хоригдоод магадлангаар суллагдаж байв. Судлаад үзвэл, Хотын дарга асан Ц.Батбаярт АТГ-ынханд халаасаа “нэгжүүлэх” шалтгаан олон ажээ. Тэрбээр Хотын дарга байхдаа төрсөн дүү нарынхаа нэр дээр их хэмжээний газар авч, орон сууцны хотхонууд барьж, басхүү бусдад дамлан худалджээ. Түүгээр зогсохгүй, Ц.Батбаяр Хотын дарга байх үеэсээ нийслэлийн нийтийн тээврийн автобусны гол будилааныг хутгаж байсан нэгэн аж. Тиймдээ ч тун удахгүй болох УИХ-ын Түр хорооны газрын наймааны болон автобусны тендерийн нээлттэй сонсголд нь Ц.Батбаяр "гол дүр" байх нь. Ингээд Хотын дарга асан, "алим" хочит Ц.Батбаярын газрын наймаа, нийтийн тээвэр, цаашлаад "нүүрсний хулгай"-н хэргээр таван жилийн ял сонссон Б.Ганхуягтай хүртэл холбогдох бүрэн баримтыг дэлгэж байна.

Ц.БАТБАЯРЫН ХОТЫН ДАРГА БАЙХ ҮЕД ТӨРСӨН ДҮҮ Ц.БАТ-ЭРДЭНЭ НЬ ОРОН СУУЦНЫ ГУРВАН ХОТХОН БАРЬЖ, ТӨРСӨН ДҮҮ Ц.ГАНЦЭЦЭГ НЬ “ТӨВ ЦЭНГЭЛДЭХ ХҮРЭЭЛЭН”-ГИЙН ХАЖУУД 1.8 ГА ГАЗАР АВЧ ХУДАЛДЖЭЭ

Ц.Батбаяр Хотын дарга байхдаа төрсөн дүү Ц.Бат-Эрдэнийнхээ нэр дээр “Ганьт” ХХК-ийг байгуулж, улмаар “Ганьт” ХХК-даа аль ашигтай гэсэн байршлуудад газар олгож, орон сууц бариулж худалдсан. Жишээ нь, “Ганьт” ХХК нь олны мэдэхээр “Модны 2” автобусны буудлын ард таван блок, 500 айлын “Саруул дэнж” гэх хотхоныг барьж худалдсан. Мөн “Peaсe mall” худалдааны төвийн ард 85 айлын орон сууц, Их дэлгүүрийн зүүн хойно 125 айлын нэг орон сууц тус тус барьж, худалджээ.

Тайлбар: "Модны-2"-т байрлах "Саруул дэнж" хотхон

Тайлбар: "Peace mall"-ын ард байрлах орон сууц

Илүү ноцтой нь, Ц.Батбаяр төрсөн дүү Ц.Ганцэцэгийнхээ нэр дээр “Бумбын шовх” ХХК-ийг эзэмшдэг байсан. Тэгвэл 2008 онд Ц.Батбаяр УИХ-ын гишүүн болмогцоо “Бумбын шовх” ХХК-даа Хотын дарга Т.Билэгтээр Төв цэнгэлдэх хүрээлэнгийн зүүн хойно, БНСУ-ын Элчин сайдын яамны баруун талд 1.8 га газар олгуулж, хав даржээ. Ингээд саяхан “Бумбын шовх” ХХК-ийгаа “Төв цэнгэлдэх хүрээлэн”-гийн хажуугийн 1.8 га газартай нь хамт “М-Ойл групп”-ын эзэн Р.Батбаяр, Б.Пунсалмаа болон “Таванбогд”-ын эзэн Ц.Баатарсайханы төрсөн дүү “Од групп”-ын эзэн Ц.Отгонбаатар нарын дундын эзэмшлийн “Глобал бридж констракшн” ХХК-д худалджээ. Улмаар “Глобал бридж констракшн” ХХК нь “Бумбын шовх” ХХК-ийн 1.8 га газар дээр нь “Глобал таун” гэх тансаг зэрэглэлийн дөрвөн блок 22 давхар орон сууцны хотхон барьж байна. “Төв цэнгэлдэх хүрээлэн”-гийн хажууд буюу хотын “А” зэрэглэл, хамгийн ашигтай байрлалтай 1.8 га газрыг Ц.Батбаяр “М-Ойл”-ын эздэд хэдэн тэрбум төгрөгөөр худалдсаныг АТГ-ынхан шалгах нь зөв биз ээ.

Тайлбар: "Төв цэнгэлдэх хүрээлэн"-гийн дэргэд баригдсан "Глобал таун" хотхон

АТГ-Т ШАЛГАГДАЖ БУЙ 2009 ОНЫ 400 АВТОБУСНЫ “АВТОР” НЬ Ц.БАТБАЯР БАЙСАН УУ

Ц.Батбаяр 2007 онд Хотын даргаас бууж, 2008 онд Ц.Батбаяр УИХ-ын гишүүн болсон. Ингээд 2008 оны намар 2009 оны төсвийг хэлэлцэж эхлэх үеэр Ц.Батбаяр М.Энхболдын “даалгавар”-аар нийслэлийн нийтийн тээвэрт автобус худалдаж авах санал дахин гаргаж, 10 тэрбум төгрөг төсөвт суулгуулахаар зүтгүүлж байв. Гэтэл аз болж яг тэр үед буюу 2008 оны арваннэгдүгээр сарын 5-нд Ерөнхий сайд С.Баяр нийслэлийн нийтийн тээвэрт 400 автобусаар парк шинэчлэлт хийхийг Зам Тээврийн сайд Х.Баттулгад, шаардагдах 38.7 тэрбум төгрөгийг 2009 оны төсөвт тусгуулахыг Сангийн сайд С.Баярцогтод даалгасан 27 дугаартай тогтоол гаргасан. Ингэж “10 тэрбумыг өгөөч, автобус авъя” гээд сууж байсан Ц.Батбаярт С.Баярын энэ тогтоол дэмжлэг болж, улмаар Ц.Батбаяр, С.Баярцогт хоёр 2009 оны төсөвт 38.4 тэрбум төгрөг суулгах “лобби”-г хамтран гүйцэтгэсэн аж.

Түүгээр зогсохгүй, Ц.Батбаяр БНСУ-аас 38.7 тэрбум төгрөгөөр 400 автобус худалдаж авах ажиллагаанд Х.Баттулгатай хоршсон, 400 автобус орж ирснийх нь дараа хувь, хувьсгалын 10 компани хуваарилж тараах ажиллагаанд ч голлон оролцсон гэх. Эргэн шүүж үзвэл, Ц.Батбаяр 2012 оны УИХ-ын сонгуулийн үеэр “400 автобусны парк шинэчлэлийг би хийсэн” гэх агуулгатай ярилцлага өгч, нийтлэлүүдийг хэвлэлүүдээр цацуулж, өөрийгөө сурталчилж байжээ. Тэгэхээр өдгөө АТГ-ынханд баривчлагдаад буйн эхний шалтгаан нь 400 автобусны хэрэг байж болзошгүй ажээ.

Тайлбар: Баабар.мн, 2012.06.11-Ц.Батбаярын ярилцлага

Ц.БАТБАЯРЫН “СИТИ БАЗ КОНСАЛТИНГ” ХХК-ИЙН “ЯВУУЛЫН КОНДУКТОР”-УУД 2017-2020 ОНД НИЙСЛЭЛИЙН ТЭЭВРИЙН ГАЗРААС 17.1 ТЭРБУМ ТӨГРӨГ АВЧЭЭ

Хотын дарга асан Ц.Батбаярын “Улаанбаатар капитал санхүүгийн групп” ХХК-ийн харьяанд “Сити баз консалтинг” ХХК гэх охин компани бий. Өдгөө “Сити баз консалтинг” ХХК-ийн Ерөнхий захирлаар Ц.Батбаярын эхнэр М.Мөнхдэлгэр нь ажилладаг. М.Мөнхдэлгэр 2021 он хүртэл Нийслэлийн Эрүүл мэндийн газрын Эмнэлгийн тусламжийн хэлтсийн даргаар ажиллаж байсан нэгэн. Харин “Сити баз консалтинг” ХХК-ийн Гүйцэтгэх захирлаар Ш.Энхсайхан гэгч ажилладаг. Ш.Энхсайханы хувьд, Ц.Батбаярыг Хотын дарга байх үед Налайх дүүргийн Засаг даргаар ажиллаж байсан, хуучны хамтрагч, багын найз нь.

Ноцтой нь, “Сити баз консалтинг” ХХК нь 2017 онд Нийслэлийн нийтийн тээврийн газартай “Төлбөр төлөлтийг хянах шалгагч ажиллуулах гэрээ” байгуулсан. Ингээд “Сити баз консалтинг” ХХК-ийн “шалгагч” гэх үнэмлэх зүүсэн 340 гаруй ажилчин автобусны буудлууд дээр зогсож иргэд картаа уншуулж байгаа эсэхийг хянадаг болсон. Өөрөөр бол, өмнө нь иргэдийн мөнгийг кондукторууд хурааж авдаг байсан бол 2017 оноос карт уншуулж зорчдог болсноор “Сити баз консалтинг” ХХК-ийн шалгагч нар автобусны буудлууд дээр кондукторын үүрэг гүйцэтгэж эхэлсэн гэсэн үг. Ингэж ажилчдаа шалгагч нэрээр автобусны буудлууд дээр зогсоосныхоо төлбөрт Ц.Батбаярын“Сити баз консалтинг” ХХК нь 2017-2022 оны хооронд Нийслэлийн нийтийн тээврийн газраас 17.1 тэрбум төгрөгийн санхүүжилт авсан байдаг. Өөрөөр хэлбэл, жил тутам 3-4 тэрбум төгрөг авдаг байсан гэсэн үг. Энэ бол Ц.Батбаярын АТГ-т шалгагдах дараагийн том шалтгаан.

Тайлбар: Ц.Батбаярын "Сити баз консалтинг" ХХК-ийн автобусны төлбөр хянагчид

Ц.БАТБАЯР “СИТИ БАЗ КОНСАЛТИНГ” ХХК-ААРАА “ЭРДЭНЭС ТАВАНТОЛГОЙ” ХК-ИЙН АЖИЛЧДЫГ ЗӨӨЖ, Б.ГАНХУЯГААС ЖИЛД 800-900 САЯ ТӨГРӨГ АВЧ БАЙЖЭЭ

Хотын дарга асан Ц.Батбаяр “Сити баз консалтинг” ХХК-аараа өдгөө “нүүрсний хулгай”-н хэргээр хоригдож буй Б.Ганхуягтай гэрээлж, “Эрдэнэс тавантолгой” ХК-ийн ажилчдад автобусаар үйлчилдэг байжээ. Жишээ нь, Ц.Батбаярын эхнэр, “Сити баз консалтинг” ХХК-ийн Ерөнхий захирал М.Мөнхдэлгэр болон “Эрдэнэс тавантолгой” ХК-ийн Гүйцэтгэх захирал асан Б.Ганхуяг хоёрын 2022 оны дөрөвдүгээр сарын 22-нд байгуулсан 828 сая төгрөгийн үнийн дүнтэй “Зорчигч тээврийн үйлчилгээ үзүүлэх гэрээ” баримтаар хавсаргая. Энэ гэрээгээр Ц.Батбаярын “Сити баз консалтинг” ХХК нь “Эрдэнэс тавантолгой” ХК-ийн ээлжийн ажилчдыг том болон дунд оврын 15 автобусаар Улаанбаатар хот-Өмнөговь аймгийн Цогтцэций суманд байх “Эрдэнэс тавантолгой” ХК-ийн кемп хооронд зөөдөг байсан аж.

Түүгээр зогсохгүй, Б.Ганхуяг Ц.Батбаяраас сар бүр хоёр автобус жолоочтой нь түрээсэлж, “Эрдэнэс тавантолгой” ХК-ийнхаа ажилчдыг өглөө, оройдоо уурхай руугаа зөөдөг байж. Сонирхуулахад, Ц.Батбаярын “Эрдэнэс тавантолгой” ХК-д үйлчилдэг автобуснууд нь Япон, Солонгост үйлдвэрлэгдсэн, хамгийн сүүлийн үеийн тоноглолтой аж.

Тайлбар: "Эрдэнэс тавантолгой" ХК-ийн гүйцэтгэх захирал асан Б.Ганхуяг, Ц.Батбаярын эхнэр М.Мөнхдэлгэр нарын 828 сая төгрөгийн гэрээ

Ц.БАТБАЯР Б.ГАНХУЯГТ АВТОБУСААР ҮЙЛЧИЛСНИЙХЭЭ ХАРИУД “ЭРДЭНЭС ТАВАНТОЛГОЙ” ХК-ААС “УЛААНБААТАР ТЭЭВЭР” ХХК-ААРАА НҮҮРС ЗӨӨДӨГ БАЙЖЭЭ

Ц.Батбаяр “Эрдэнэс тавантолгой” ХК-ийн ажилчдад автобусаар үйлчилж, Б.Ганхуягаас жилд тэрбум орчим төгрөг авдаг байсан ч үүндээ ханаагүй бололтой. Тодруулбал, Ц.Батбаяр 2018 онд өөрийн “Улаанбаатар капитал санхүүгийн групп” ХХК-ийн харьяанд “Улаанбаатар тээвэр” ХХК-ийг БНХАУ-ын “Хай Ган Шин Фэн”, “Чунчиү эрчим хүч” компаниудтай хамтран байгуулжээ. Өдгөө “Улаанбаатар тээвэр” ХХК-ийн Гүйцэтгэх захирлаар Ц.Батбаярын охин Б.Сэлэнгэ нь ажилладаг аж.

Хамгийн ноцтой нь, Ц.Батбаярын “Улаанбаатар тээвэр” ХХК нь 2018 оноос хойш жил бүр Б.Ганхуягтай гэрээ байгуулж, “Эрдэнэс тавантолгой” ХК-ийн Тавантолгойн уурхайгаас БНХАУ-ын Ганц мод боомт хүртэл нүүрс тээвэрлэж иржээ. Өөрөөр бол, Ц.Батбаяр “Эрдэнэс тавантолгой” ХК-ийн ажилчдыг ч, нүүрсийг нь ч зөөж иржээ.

Энэ мэтээр Хотын дарга асан Ц.Батбаярт төрсөн дүү Ц.Бат-Эрдэнийнхээ нэр дээр хотхон, хорооллууд барьсан, төрсөн дүү Ц.Ганцэцэгийнхээ нэр дээр “Төв цэнгэлдэх хүрээлэн”-гийн газраас хууль бусаар авсан, “Эрдэнэс тавантолгой” ХК-ийн Гүйцэтгэх захирал асан Б.Ганхуягтай гэрээлж, автобусаар үйлчилж хариуд нь Хятад руу нүүрс зөөж байсан гээд АТГ-т шалгагдах хэргүүд нь зузаарчээ.

ҮРГЭЛЖЛЭЛ БИЙ...

ХОТЫН ДАРГА АСАН Ц.БАТБАЯР “ТӨВ ЦЭНГЭЛДЭХ ХҮРЭЭЛЭН”-ГИЙН ХАЖУУД ХУУЛЬ БУСААР АВСАН 1.8 ГА ГАЗРАА “М-ОЙЛ”-ЫН ЭЗДЭД ХУДАЛДАЖ, ТЭНД НЬ 22 ДАВХАР “ГЛОБАЛ ТАУН” ХОТХОН БАРЬЖ БАЙНА

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 34

Сэтгэгдэл үлдээсэн: 2024-02-04 10:06:57

Млнгол: Алимаа батбаяр гөлгийг олон эил шоронд хийлдээ новш юмаа
Сэтгэгдэл үлдээсэн: 2024-02-03 23:10:32

Unshigch: Odoo tsagt uls oron ard irgedinhee toloo ajil hideg kompani gej bhgvi bolj dee dund deed Alban tushamtanguud bvgd yaval ajil hjsen ner zvvj ajlinhaa holsig hed dahin avch mongoni hanshig vrgelj unagaj bh ni Haramsaltai
Сэтгэгдэл үлдээсэн: 2024-02-03 21:05:02

Самдан: Хууль бусаар авсан газрыг нь хурааж аваад, шоронд хийх хэрэгтэй.
Сэтгэгдэл үлдээсэн: 2024-02-03 19:29:57

Уншигч: Одоо барилга барихаа зогсоох хэрэгтэй.МонголУлс шиг хотоо сүйрүүлж ,зай засваргүй өндөр,өндөр барилга барьдаг дэлхийн улс орон гэж байхгүй. Хязгаартай бдаг юм. Наад луйварчидаа бүгдийг цаазал.
Сэтгэгдэл үлдээсэн: 2024-02-03 19:19:02

Амар: Наад хулгайч нар чинь мөнгөө нуугаад шоронд очоод гадуур сахиул зэрэг местэн дээр байж байгаад л гараад явчихна.Гэмт хэрэгтнүүдтэй хамт байлгах хэрэгтэй байгаа юм.Ер нь шоронд очоод л нуусан мөнгөөрөө ШШГЕГазарын дарга нарыг хахуульдаж амьдарсаар гараад явчихдаг петканууд даа.
Сэтгэгдэл үлдээсэн: 2024-02-03 13:34:16

Ахмад: Энэ Улаан хацарт цадаж ханадаггүй СҮГИЙГ - шоронд нь хатаагаад өг !!!, гарч ирээд үлдсэнийгээ идэг үү !!!
Сэтгэгдэл үлдээсэн: 2024-02-03 10:42:27

Зочин: ХЭН НЭГЭН ГАЗАР АВЧ БАРИЛГА БАЙШИН БАРИХ НЬ ОЙЛГОМЖТОЙ Глобал таун маш үзэмжтэй чанартай оронсууц болохгүй нь юу байна
Сэтгэгдэл үлдээсэн: 2024-02-02 22:45:57

Ганбаа ах : Наад Батбаярын хамаарлын нэг товарищ Соёолжын Даваасүрэн гэдэг сда Сэлэнгийн Хушаатаас нялх суулгасан хулгайлж Баянчандмань хашаандаа авчраад ганц жил болгоод хот руу зөөж зардаг шүү Би биеэрээ харж үзсэн шүү Амьд гэрч Тэгж болох уу Тэрийгээ ой сиырэгжүүлэлт гээд нэрэлчихэжээ бас сданууд
Сэтгэгдэл үлдээсэн: 2024-02-02 22:36:20

Энхтайван : Бүх хууль бус хөрөнгийн хураа ямар шуналтай новш вэ
Сэтгэгдэл үлдээсэн: 2024-02-02 18:58:09

Цээгий: Энн үе үеийн бүх хотын дарга нарын хөрөнгө оруулага хөлжсөн бол ард түмэнд ил болго. Намсаад байх хэрэггүй ш дээ. Одоо л бүгдийг хуугаар нь дуудалцуулж байгаад дараа дараагийхан луйвар булхайг илчлэх хэрэгтэй.
Сэтгэгдэл үлдээсэн: 2024-02-02 18:03:44

Ганхүү: Энэ чинь харин хөөрхөн,айх ичих юмгүй хулгайлж луйварддаг нөхөр байна тэр хамсаатнуудынх нь хамт бүххөрөнгийг нь хурааж хүнд ял өгмөөр балиар улаан хацартай новш юм байна эдний үр хүүхэд ,ах дүү ,хамаатнуудыг хүртэл барьж хөрөнгийг нь хурааж нийтийн албанд үр удмаар нь ажиллуулж болохгүй
Сэтгэгдэл үлдээсэн: 2024-02-02 14:20:50

Болдхуяг: ми овогт ЭНХБОЛДын хажууд алим хацар цэцэрлэгийн батцаан МИ газар олголтыг хянаж шоронд хийхгүй бол шудрага ёс яриад яаахав хүргэн дүү н ь энэ БЗ засаг бармөнх гээд хулгай хийх их туслаж хөрөнгөжсөн хулгайч одоо БЗ д газар хулгайлчих гээд яваад байгаа харж байгааа шүү бахямөнх өө баар ажилуулад явбал яаасин бэ
Сэтгэгдэл үлдээсэн: 2024-02-02 13:48:31

Jorj : Танай улсын нийслэл хот маш аймшигтай байдалд байгаа нь маш харамсалтай.
Сэтгэгдэл үлдээсэн: 2024-02-02 13:02:29

Мөнхбат: Яавлаг явдалтай нөхөр шүү
Сэтгэгдэл үлдээсэн: 2024-02-02 13:00:44

Иргэн: Батбаяр та 4-р дэлгүүр 32-ын уулзварыг холбосон замд байсан айлыг хогийн цэгт хүчээр нүүлгэсэн тийм үү?
Сэтгэгдэл үлдээсэн: 2024-02-02 11:51:39

Иргэн: М энхболдын хүн гэдэг хотын дарга гэнэт хэнч мэдэхгүй улсад ажиллаж байсныг мэдэхгүй нэг жижигхэн нөхөр хотын дарга болоод удалгүй ажилаа өгсөн.ямар хурдан аргаар баяждаг нүх сүвийг ашигладаг сэргэлэн цэргийн дарга юм да.төр түмэн нүдтэй төрсөн биё 2нүдтэй гэж гэнэт байвал гэдсэнд халтай гэж үг байдаг.яаж авилгалаас улсын хөрөнгө идэж баяждагын жишээ юм биш үү?яаж шүүж хөрөнгийг хурааж ямар шийтгэл авахыг харж бна.арайл дэндүү шунахай юм да.хэзээ нэгэн цагт хийсэн бол илрэнэ гэдгээ мэдээд больж болдгүй шунал юм да.мань мэт нь үхтэлээ хувиараа юм хийгээд даатгал татвар түрээсээ төлөөд гэр бүлээ өлсгөхгүйн тулд өдөр шөнө ялгахгүй явсаар хураасан юмгүй нүд аних бх да.
Сэтгэгдэл үлдээсэн: 2024-02-02 11:00:58

Иргэн: Хоригдох тогтоолтой хүмүүс үнэхээр шорондоо байдаг болов уу. Тэр талын нь л мэдэхгүй байгаам да. Гэрийн хорионд байх ви дэ. Улаан хацартай дарга гэгдэж байсан хүнийг хэн дэмжиж хотын дарга болгов. Тэр хүн хамсаатан нь да
Сэтгэгдэл үлдээсэн: 2024-02-02 09:20:53

Иргэн: Бусдын боломжийг хулгайлсан нийгмийн хог шаарууд хаанаас төрж бий болдог байнаа.Хорвоод хүн болж төрснийх буян хурааж сайн үйл хийгээд буцах байтал шуналдаа дийлдэж хулгай хийж нүгэл хурааж байх гэж.Толгой гэж олгой юм даа.
Сэтгэгдэл үлдээсэн: 2024-02-02 08:52:18

Иргэн: ХАМГИЙН ГОЛ НЬ БҮХ ХӨРӨНГИЙ НЬ ХУРААЖ, ЦААЗЫН ЯЛЫГ СЭРГЭЭХ ХЭРЭГТЭЙ
Сэтгэгдэл үлдээсэн: 2024-02-02 08:46:10

Бадарч тахар: Энэ явлаагыг үг дуугүй бууд ! Яасан шуналтай муухай лүд вэ !
Сэтгэгдэл үлдээсэн: 2024-02-02 08:11:56

Отгоо: Энэ алиман хацартай гөлөг донгио юм шиг хирнээ бас хулгайдаа бас их сайн юм гээч.
Сэтгэгдэл үлдээсэн: 2024-02-02 07:48:01

Иргэн: Доожоогүй улаан хацартай унхиагүй юм харагддаг байсан ийм зальтай хулгайч байсан юм уу
Сэтгэгдэл үлдээсэн: 2024-02-02 00:14:32

Төв: МИЕЭ БОЛ ХУЛГАЙЧ Л ЮМ БАЙНА
Сэтгэгдэл үлдээсэн: 2024-02-01 23:07:42

Зочин: Ёстой биднийг хэн яах юм гээд л хоттой хонь руу орсон чоно шиг л туйлсандах М.Энхболд Сандуй улаан хацарт Батбаяр нар
Сэтгэгдэл үлдээсэн: 2024-02-01 23:06:18

Л: Юугаа ч мэдэхгүй утсан хүүхэлдэй ёстой самарсандөө
Сэтгэгдэл үлдээсэн: 2024-02-01 22:19:18

S: 80955877MASSAJLN MERGJLN
Сэтгэгдэл үлдээсэн: 2024-02-01 22:18:33

S: SEXSDNE MASAJLI80955877
Сэтгэгдэл үлдээсэн: 2024-02-01 22:08:22

UB-н иргэн : УБ-чуудын яаж амьдрах нь Хятадын эрлийз Энхболдод түй ч хамаагүй шд одоо Монголын цагдаа шүүх прокурор тагнуул атг нь яаж ажиллахыг нь харъя бүх зүйл нь бидэнд олон жил ил явсан ёстой галзуурцгаасан даа
Сэтгэгдэл үлдээсэн: 2024-02-01 19:38:49

Зочин: Сэтгүүлчид нь ингээд гаргаж ирж чадахд байхад хууль шүүхийнхэн нь ёстой түй чорт
Сэтгэгдэл үлдээсэн: 2024-02-01 19:37:51

Хм: Пээ энэ М.Энхболдын бүлэглэлийн булай ухаад ч дуусашгүйнээ
Сэтгэгдэл үлдээсэн: 2024-02-01 18:44:56

Зочин : Эрлийз Мие-ийн суганы үснүүд мөн ч их баяжижгаажээ. Батбаяр Сандуй Наранхүү гээд л маш олон псдакууд байгаа ш дээ! УБ-ын газрыг эдний бүлэглэл зарж дамлаж дуусгасан. Өнөөдрийн энэ хотын түгжрэл, бетонон ширэнгэ утаа тортог бол энэ хулгайч луйварчдаас л болсон гэдгийг УБ-ын золбин нохой ч хэлнэ дээ!
Сэтгэгдэл үлдээсэн: 2024-02-01 17:26:55

ард: Цаазын ялыг сэргээх цаг нь болжээ тэгэж эд нар хаширч Монгол Улс хөгжиж дээшилнээ
Сэтгэгдэл үлдээсэн: 2024-02-01 11:17:22

авлигаа үл хөдлөх болгосон байгаа, хөрөнгийг нь илрүүлж хураах ёстой: Нуусан хөрөнгийг нь илрүүлж хураахаас өөр арга байхгүй. Шорон гэхийн оронд бүх хөрөнгийг хураах хэрэгтэй. Хэдэн жил газрын наймаа ярилаа, нөгөө газар наймаалагч нар авлигын хөрөнгөө өөр хүний нэрээр нуучихсан инээж яваа даа.
Сэтгэгдэл үлдээсэн: 2024-02-01 08:12:46

ӨНӨР: УЛААН ХАЦАРТ БАТБАЯР ДАХИАД ШОРОНДОО МОРИЛЖДЭЭ... ҮР ХҮҮХЭД ХАНЬ НЬ ЯМАР ХҮНИЙ НҮҮР ХАРЖ АМЬДАРДАГ БОЛДОО...НҮДНИЙ БУЛАЙНУУД

Шинэ мэдээ

Нийтлэлчид