Олон улсын уран бүтээлчдийн өдрийн хүрээнд "Хайрын өнгө" үзэсгэлэн болно

2025-04-03, 348

2018 оноос эхлэн жил бүрийн дөрөвдүгээр сарын 3-ны өдрийг Олон улсын уран бүтээлчдийн баярын өдөр болгон дэлхийн олон оронд тэмдэглэсээр иржээ. Тэмдэглэж эхэлсэн даруйдаа буюу 2019 онд Азийн гурваас дөрвөн оронд өөрсдийн уриа, өнгө төрхөөр дотоодын уран бүтээлчдээ дэмжих, талархал хүндэтгэлээ илэрхийлэх арга хэмжээ зохион байгуулан тэмдэглэж байсан. Тэгвэл энэ жил дайн тулаан, улс орнуудын дотоод нөхцөл байдлаас үүдэн зөвхөн Монгол улс өргөн хүрээнд тэмдэглэж байгаа аж.

Найм дахь жилдээ зохион байгуулагдаж буй Олон улсын уран бүтээлчдийн баярын өдрөөр Боловсролын яам, Засгийн газрын хэрэгжүүлэгч агентлаг Боловсролын ерөнхий газар, "Энэрэл" мэргэжил боловсролын сургууль, Олон Улсын сүлжээ Ловинг Хат ресторантай хамтран хөгжлийн бэрхшээлтэй уран бүтээлчдийн "ХАЙРЫН ӨНГӨ" уран бүтээлийн үзэсгэлэнг дөрөвдүгээр сарын 3-5-ны өдрүүдэд Монголын театрын музейд гаргах гэж байна.

Энэхүү үзэсгэлэнд уран бүтээлээрээ олноо танигдсан уран сийлбэрч СТА Б.Гонгор, зураач Б.Хувьт болон Ражив Гандийн нэрэмжит Үйлдвэрлэл, урлалын политехникийн коллеж, Анима дүрслэх урлагийн коллеж, Сэргээн засах сургалт, үйлдвэрлэлийн төв, “Энэрэл" мэргэжил, боловсролын сургуулийн оюутан, сурагчид, хөгжлийн бэрхшээлтэй уран бүтээлчдийн бүтээлийн дээжис дэлгэгдэж байгаараа онцлогтой. Мөн үзэсгэлэнд тавигдсан уран бүтээлийг олон нийтэд худалдан авах боломжтой бөгөөд онцлон нэг уран бүтээлчийн бүтээлийг дуудлага худалдаагаар худалдах байна.

Олон улсын уран бүтээлчдийн өдрийн хүрээнд "Хайрын өнгө" үзэсгэлэн болно

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.