Улсын харцага Г.Ганхуяг, цэргийн арслан Г.Жамбалдорж, аймгийн арслан Г.Хишигбат нараас допинг илэрсэн гэх мэдээлэл цахим сүлжээнд цацагдаж байна. Допинг илэрсэн бөхчүүдэд өнөөдөр шинжилгээний хариуг нь өгөөд байна.

Бид улсын харцага Г.Ганхуягаас дараах тодруулгыг авлаа.

-Допингийн шинжилгээний хариутайгаа танилцсан уу. Таниас допинг илэрсэн гэх мэдээлэл байна. Энэ талаар тодруулах гэсэн юм?

-Өнөөдөр ХЗДХЯ-нд очиж хариугаа авсан. Надаас допинг илрээгүй. Харин өөр эргэлзээтэй асуудал болсон. Үүнийг би удахгүй тайлбарлаж, хэвлэлийн хурал хийнэ. Энэ үеэр та бүхэн мэдээлж, иргэдэд тэнцвэртэй, бодитой мэдээллийг хүргээрэй гэж хүсэх байна.

-Таны шинжилгээнээс допингийн төрлийн фуросемид гэх бодис илэрсэн гэсэн шүү дээ?

-Тийм ээ, надаас энэ төрлийн эмний элемент илэрсэн. Гэхдээ WADA-гийн дүрмээр тухайн элемент 20 мм-ээс дээш бол хэрэглэсэнд тооцдог. Харин 20 мм-ээс доош бол хэрэглээгүй, илрээгүй, шинжилгээний хариу сөрөг гэж үзнэ. Миний шинжилгээний хариугаар 20 мм-ээс доош буюу сөрөг гэж гарсан байна. Цаасан дээр дүрмийн дагуу ингээд бичсэн байна.

-Үйлчилгээ нь ямар зориулалттай эм бэ?

-Тархины цусан хангамж сайжруулах, тархины хаван хөөдөг үйлчилгээтэй эм юм.

-Өмнө нь та энэ эмийг хэрэглэж байсан уу?

-Үгүй, би энэ талаар удахгүй тайлбар хийнэ.