Цөлжилттэй тэмцэх тухай НҮБ-ын Конвенцын талуудын бага хурлын 17 дугаар “СОР17” 2026 оны наймдугаар сарын 17-28-ны өдрүүдэд Монгол Улсын нийслэл Улаанбаатар хотод зохион байгуулагдана. Энэ хурлын үеэр ажиллах 600 сайн дурын идэвхтнүүдийг НҮБ-ын Сайн дурын хөтөлбөр (UNV), Монголын улаан загалмай нийгэмлэг хамтран 2026 оны наймдугаар сарын 3-11-ний өдрүүдэд үе шаттайгаар бэлтгэж дуусгасан байна.

    Энэхүү бэлтгэгдсэн сайн дурын идэвхтнүүдийг “COP17” Үндэсний хорооны Ажлын алба “Blue zone” дээр хүлээн авч, талархал илэрхийлэв. Сайн дурын идэвхтнүүдийг ногоон бүс, цэнхэр бүс, зочид буудал, зам тээврийн чиглэл гэсэн үндсэн дөрвөн чиглэлд тодорхой ажлууд хариуцуулж ажиллуулахаар бэлтгэжээ.

   Сургалтын үеэр тэдэнд ажиллах талбай, тодорхой цэг, байршлыг танилцуулахын зэрэгцээ чиглэл тус бүрийн үүрэг, хариуцлага болон хурлын үеэр шаардагдах зохион байгуулалтын мэдээллийг хүргэлээ. Ийнхүү 600 сайн дурын идэвхтэн сургалт, зохион байгуулалтын бэлтгэлээ бүрэн хангаж, хурлын үйл ажиллагааг дэмжин ажиллахад бэлэн боллоо.