Сэргээн засах сургалт үйлдвэрлэлийн төвийн протез, ортопедийн үйлдвэрийн төвийн төлөөлөлтэй ГБХНХ-ын сайд Л.Энх-Амгалан уулзлаа.

Л.Энх-Амгалан

Монгол улсад 20 мянган иргэн протез, ортопед хэрэглэдэг.  Нийгмийн халамжийн тухай хуулиар 3 жил тутамд шинэчлүүлэх ёстой. Гэвч 10-20 жил хиймэл гар, хөлөө солиулаагүй иргэн ч байна. Шалтгаан нь төрийн үйлчилгээний хүнд суртал. Хөгжлийн бэрхшээлтэй иргэн гурван жил тутамд хиймэл гар, хөл захиалахдаа:

• Эмчид оношоо баталгаажуулах.
• Нэхэмжлэх үүсгэх.
• Харьяа дүүргийнхээ эмнэлэгтээ баримт бичгээ бүрдүүлж өгөх.
• Санхүүжилт болон шийдвэр гарахыг хүлээх.
• Бүтээгдэхүүнээ захиалах.
• Хүлээн авах.

Гэсэн зургаан үе шатыг дамжиж багадаа 21 хоног хүлээдэг юм байна. Энэ хүнд суртлыг арилгаж, цахимжуулах шийдэл гаргаж, хэрэгжүүлэх хугацаатай үүрэг өглөө. Манай улсын протезын үйлдвэрт сайн тоног төхөөрөмж бий.  Харин тоног төхөөрөмжүүдээ ашиглах хүний нөөц дутмаг.  Нарийн мэргэжилтнүүдээ бодлогоор бэлтгэх, эрүүл мэнд, боловсрол, нийгмийн нөхөн сэргээлтийг сайжруулах, халамжийн сангийн өртгийг нэмэгдүүлэх, шинэчлэх, жишиг үнийг бодох аргачлалыг боловсруулж, хүртээмжтэй, чанартай зөв бүтэцтэй болох шаардлагатай байна гэж хэллээ.