• Өнөөдөр 2026-05-31

“Амьдрахуй” жүжгийг үзэх ГУРВАН шалтгаан

2024-10-24,   940

       “Амьдрахуй” жүжгийн хаалтын тоглолтууд үргэлжилж байна. Бид жүжгийн хөшиг хаагдахаас урьтаж үзэж амжаагүй үзэгчдэд зориулан дараах гурван шалтгааныг  хүргэж байна.

 
-Таны дотроо төсөөлсөн дүрүүдтэй таарч байна уу-
 
              Фуй Гүй, Жя Жэн, Ван Шин, Ёу Чин гээд зохиолыг уншиж байхдаа таны дотроо төсөөлсөн дүрүүдтэй найруулагчийн сонгосон уран бүтээлчид таарч байсан уу. Мэдээж заавал тохирч байх боломж байхгүй ч тайз, дэлгэцийн бүтээл төрөхийн өмнө бид гарцаагүй эхлээд зохиолтой нь танилцдаг. Тийн уншихдаа дотроо өөр өөрсдийнхөөрөө дүрүүдээ төсөөлж боддог шүү дээ. Тэгэхээр энэ бас үзэгч таны жүжиг үзэх нэгэн шалтгаан мөн байх аа.
 
-Магадгүй өнөөдөр танд хэцүү санагдаж байгаа бол-
 
       Заримдаа бид өөрт тулгарах асуудлыг хэт том уул болгон харж давж чадахгүй байх тохиолдол байдаг. Мэдээж гэнэтийн хагацал, зүрх зүсэм зүйлс бол хэнд ч хүнд. Гэхдээ зовлон гэж бодож, ганцаараа л хорвоо ертөнц дээр зовж байна гэж гуньж байгаа бол “Надаас хүнд зовлон бэрхийг туулж яваа хүн байгаа байх” гэж тайтгарч, аль болох зовлонгоо гэтлэх хэргэтэй байх. Энэ ч үүднээс хэрэв танд энэ өдрүүдэд хүнд байвал “Амьдрахуй”-гаас Фуй Гүйн тэсвэр тэвчээр, мөнхүү уужимхан байдлыг үзээрэй. 
 
-Найруулагч аль санааг товойлгон үзүүлэв-
 
              М.Батболд найруулагчийн бүтээлийг алгасахгүй үзэж, түүнийг бүтээлээс бүтээлийн хооронд хэрхэн өсөж, хөгжиж, ямар шийдэл гаргаж буйг аждаг үзэгчийн хувьд энэ удаагийн бүтээлийг нь үзээгүй яваа бол хөшиг хаагдахаас өмнө заавал амжиж үзээрэй. Тэр энэ жүжигт ямар шийдлийг гаргаж, юуг товойлгон үзүүлж, аль санааг нь голлон барьсныг мэдэж, өмнөх бүтээл болон ирээдүйд гарах бүтээлтэй нь харьцуулж, магадгүй судалгаа, шүүмж бичиж ч болох юм.
 

“Амьдрахуй” жүжгийг үзэх ГУРВАН шалтгаан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.