Топ модель, жүжигчин Д.Пүрэвсүрэнгийн төрсөн өдөр өнөөдөр тохиож байна. Тэрбээр жүжигчин мэргэжлээсээ гадна загварт хүч сорьж, “Гоёл” наадмын топоор шалгарсан. Тэгээд л “Хувьсал” продакшнаас уран бүтээлийн гараагаа эхэлж, дэлгэцийн олон бүтээлд тоглосон. “Боолын гэрээ”, “Цасан охин”, “Гоёлын даашинз”, “Гэр”, ”Амьдрал төсөл”, “Ларьдма”, “Хоёр амь”, “Хожлын нүүдэл”, “Амьдрал”, “Би эмэгтэй хүн” зэрэг бүтээлийн гол болон туслах дүрд амжилттай ажилласан.

Анх тэрбээр “Найм дахь” гараг хамтлагийн арван жилийн дурсамж дууны клипинд тоглосноор урлагт орж ирсэн байна.

             Тэрбээр хүнд хэсгийн зураг авалт ихтэй “Ларьдма” кинонд тоглож байсан талаараа “Энэ кинонд тоглож байхад би хөхүүл байсан. Дунд охин маань дөнгөж зургаа, долоон сартай л байлаа. Би сүүгээ сааж тавьчихаад гэрээсээ гараад өдөр зураг жоохон завсарлах юм бол гялс гэртээ очиж охиноо хөхүүлчихээд, буцаад л зургандаа явдаг байсан. Өглөө гэрээсээ сайхан энергитэй гараад өдөржин ажиллаад орой гэртээ орохдоо халуун дулаан уур амьсгалтайгаар орох хэрэгтэй. Тухайн дүрдээ хувирахын тулд ажлынхаа цаг дээр хийх хэрэгтэй. Ажил амьдралаа ялгаж байх ёстой шүү дээ” гэж ярьсан байдаг.