“Трио” уран сайхны кино Энэтхэг Улсад зохион байгуулагдсан “Будда” олон улсын кино наадмаас бүрэн хэмжээний уран сайхны шилдэг кино номинацийн ялагчаар тодорч, арав дахь шагналаа хүртлээ.

       Өнгөрсөн хоёрдугаар сарын 23-нд Монгол Улсад нээлтээ хийж, үзэгчдийн хүртээл болсон тус кино нь Тайланд, АНУ, Польш, Монгол, Эстони, Канадын олон улсын хүндтэй кино наадамд оролцож шилдэг кино, шилдэг зураглаач, шилдэг продюсер, шилдэг найруулагч, үзэгчдийн нэрэмжит болон кино наадмын шилдэг кино, шилдэг эрэгтэй жүжигчин зэрэг шагналын эзэн болсон билээ.