Төрийн болон орон нутгийн өмчийн музей өнөөдрөөс эхлэн 5-н хүртэл үнэ төлбөргүй ажиллахаар болсон. Тэгвэл үнэ төлбөргүй ажиллах музейн жагсаалтад багтсан Чингис хаан музей үнэтэй хэвээр байна гэсэн гомдол цахим орчинд гарсан. 

          Үүнтэй холбоотойгоор бид Чингис хаан музейн хэвлэлийн төлөөлөгчөөс тодруулахад "Манайх Соёлын яамны захирамжийн дагуу 1-5-ны өдрүүдэд тусгай хөтөлбөрийн дагуу иргэдэд үнэ төлбөргүй үйлчилж байгаа. Тусгай хөтөлбөр гэдэг нь бид энэхүү таван өдрийн турш музейнхээ нэг давхарт эвент, арга хэмжээ зохион байгуулж, иргэдэд үнэ төлбөргүй үйлчилж байгаа. Нэг ёсондоо тусгай хөтөлбөрт багтсан арга хэмжээ, эвентийн хүрээнд тавигдсан зүйлсийг л үзэх юм.Тусгай хөтөлбөрийн дагуу үнэгүй үзүүлнэ гэхээр зарим иргэн буруу ойлгоод байх шиг байна" гэв.