Иргэд хаврын тэргүүн сарын шинийн 15-нд багтаж, шинэ жилийн заслаа хийлгэж, номоо уншуулах сонирхолтой байдаг. Энэ нь бурхан багш дээрх хугацаанд багтаж бүхий л номоо уншиж, хувилгаан дүр үзүүлж байсан гэдэгтэй холбоотой. Уг хугацаанд буян үйлдвэл жирийн өдрөөс илүү бүтэмжтэй сайн хэмээн үздэг билээ.

                            Тэгвэл цаг үеийн нөхцөл байдалтай холбоотойгоор сүсэгтэн олонд засал хийх, ном уншиж өгөх үйлчилгээг цахимаар хийдэг болжээ. Эргэлт.мн мэдээллийн сайт гэрээсээ гарч, гандан оролгүйгээр гэрээсээ хэрхэн заслаа хийлгэж, номоо уншуулах тухай сонирхолтой мэдээлэл бэлтгэснээ хүргэж байна.

ГАНДАНТЭГЧИЛЭН ХИЙД ЦАХИМААР ЗАСАЛ ХИЙХ 4-19 МЯНГАН ТӨГРӨГИЙН БАГЦ ГАРГАЖЭЭ

Засал, номоо уншуулах хүсэлтэй иргэд Гандантэгчилэн хийдийн www.gandan.mn сайтад хандаж, өөрийн төрсөн он, жил, хүйсийг бүртгүүлснээр “Үзэсгэлэн болгогч” хэмээх харагчин туулай жилд суусан суудал, ерөнхий мэнгэний буулгаа, хийлгэх засал, уншуулах номоо ч харж болно. Хэрэглэгч хийлгэх засал, номоо өөрийн хүслээр харж, сонгох бөгөөд сонголтоо хийсний дараа Хаан банк болон Голомт банкны дансанд уншуулах номын үнийг шилжүүлэх, QPay уншуулж болох аж. Шилжүүлэхдээ хэрэглэгч өөрийн овог, нэр, тайлбар, холбоо барих утасны дугаар бүртгүүлнэ. Бүртгүүлсэн гар утасны дугаар руу бүртгэл амжилттай болсон эсэх, засал, номыг уншиж дууссан тухай мэдэгдэл ирэх гэнэ.

                            www.gandan.mn сайтад бүртгүүлсэн хэрэглэгчийн засал, номыг Гандантэгчилэн хийдийн “Фэйсбүүк” сүлжээн дэх албан ёсны цахим айлтгалын хуудсаар шууд дамжуулан хүргэнэ. Мөн Гандантэгчилэн хийдийн цахим сүлжээнд уншуулах сар шинийн засал, ном нь багц үнэтэй аж. Тодруулбал,

• Хулгай жилтэй хүний үндсэн засал 16,500 төгрөг
• Үхэр жилтэй хүний үндсэн засал 11 мянган төгрөг
• Бар жилтэй хүний үндсэн засал 4000 төгрөг
• Туулай жилтэй хүний үндсэн засал 10,500 төгрөг
• Луу жилтэй хүний үндсэн засал 19,500 төгрөг
• Могой жилтэй хүний үндсэн засал 6500 төгрөг
• Морь жилтэй хүний үндсэн засал 5500 төгрөг
• Хонь жилтэй хүний үндсэн засал 12,500 төгрөг
• Бич жилтэй хүний үндсэн засал 18,500 төгрөг
• Тахиа жилтэй хүний үндсэн засал 9500 төгрөг
• Нохой жилтэй хүний үндсэн засал 5500 төгрөг
• Гахай жилтэй хүний үндсэн засал 10 мянган төгрөг байна.

                            ​Мөн иргэд үндсэн засал, ном дээрээ нэмэлтээр Алтанганжуур номыг 20 мянган төгрөгөөр уншуулж болох юм байна.

MEETS, ZOOM АППЛИКЭЙШН АШИГЛАЖ, ЗАСЛАА ХИЙЛГЭЖ БОЛНО

                            Ухаалаг гар утас хэрэглэгчид мөн Дашчойлин хийд болон Самъяа хийдийн албан ёсны аппликэйшнийг гар утасныхаа Playstore, App Store-оос татаж, бүртгүүлнэ. Дээрх хоёр хийд нь сүсэгтэн олны засал, номыг нь Meets, Zoom зэрэг аппликэйшнээр хүргэж байгаа аж. Мөн иргэд дээрх хийдүүдийн албан ёсны цахим хуудас болон Лавайн эгшиг аппликэйшнээр засал, номыг даган баясах боломжтой юм.