Засгийн газрын тогтоолоор дөрвөн жил тутамд нэг удаа зохион байгуулагддаг үндэсний спортын хамгийн том наадам эхлэхэд бэлэн болоод байна. Тус наадамд 21 аймаг, Улаанбаатар хотын есөн дүүргийн шилдэг баг, тамирчид хүч чадал, ур чадвар, авхаалж самбаагаа сорин өрсөлдөнө. Үндэсний спортын зуны VIII наадмын шигшээ тэмцээн 2026 оны долдугаар сарын 29–нөөс наймдугаар сарын 2-ны өдрүүдэд Хүй долоон худагт явагдаж, үндэсний спортын шилдгүүдээ тодруулна.