Жюү жицүгийн залуучуудын Азийн аварга шалгаруулах тэмцээн үргэлжилж байна. Тус тэмцээний  “U21” ангиллын эмэгтэйчүүдийн 48 кг-ын жинд Сүхбаатар аймгийн тамирчин, Одсүрэнгийн Живамэдмаань амжилттай өрсөлдөж, Азийн аваргаас хүрэл медаль хүртлээ.

      Тэрбээр Энэтхэг, Арабын Нэгдсэн Эмират, Вьетнам Улсын хүчтэй тамирчидтай өрсөлдөж, хүрэл медалийн төлөөх барилдаанд Ираны тамирчинг ялснаар Азийн дэвжээнээс эх орондоо хүрэл медаль авчирлаа. Өнгөрсөн жил О.Живамэдмаань Азийн Азийн “U18” ангиллаас хүрэл, Азийн хүүхдийн наадмаас мөнгөн медаль хүртэж байсан билээ.