Нийслэлийн Засаг даргын Тамгын газраас 2026 оны Хөлбөмбөгийн дэлхийн аварга шалгаруулах тэмцээний хагас шигшээ тоглолтуудыг Төв цэнгэлдэх хүрээлэнд үнэ төлбөргүй шууд дамжуулан үзүүлж байна.

Энэ хүрээнд өнгөрсөн шөнө болсон Испани, Францын шигшээ багийн тоглолтыг хөлбөмбөг сонирхогчдод хүргэсэн бол дараагийн тоглолт болох Англи, Аргентины шигшээ багийн хагас шигшээ тоглолтыг энэ сарын 16-ны өдрийн 03:00 цагаас мөн шууд дамжуулан үзүүлэхээр болжээ.

Хөлбөмбөгийн хорхойтнууд Төв цэнгэлдэх хүрээлэнд хүрэлцэн ирж, дэлхийн аваргын тоглолтыг том дэлгэцээр хамтдаа үзэн, тэмцээний уур амьсгалыг мэдрэх боломжтой юм.

 Нийслэлийн зүгээс энэхүү арга хэмжээгээр дамжуулан хөгжөөн дэмжигчдийг нэг дор цуглуулж, дэлхийн хэмжээний спортын тэмцээнийг хамтдаа үзэх нөхцөлийг бүрдүүлж байгаа юм.