Хятад Улсад Чиндаогийн “Гран при” тэмцээн үргэлжилж байна. Тус тэмцээний 66 кг-ын жинд МУГТ Ё.Басхүү, эмэгтэйчүүдийн 57 кг-ын жинд ОХУМ О.Оюунчимэг нар финалын барилдаанд хүрэл медалийн төлөө барилдахаар шалгарч үлдлээ. О.Оюунчимэг “В” хэсгийн аваргын төлөө  Францын Марта Фавазад хожигдсон. Дагах тойргийн барилдаанд Израилийн Нелсон Левя Тимнаг ялсан. Финалд хүрэл медалийн төлөө Японы Момо Тамаокитэй өрсөлдөнө.

   Харин МУГТ Ё.Басхүү 66 кг-ын жингийн “А” хэсгийн аваргын төлөө олимп, дэлхийн аварга, Японы Абэ Хифумитай барилдаж хожигдсон. Дагах тойргийн барилдаанд  Узбекистаны  Аббурахим Нутфуллоевыг ялсан. Финалын барилдаанд хүрэл медалийн төлөө Бразилын Роналд Лиматай барилдана. Шигшээ барилдааныг 17:00 цагаас "С1" телевизээр шууд дамжуулан үзүүлнэ.