Г.Занданшатарын “WR Chess” баг шөвгийн наймд шалгарч үлдлээ

2026-06-21, 236

Хятадын Хонконгод шатрын багуудын түргэвчилсэн (Blitz) тоглолтын дэлхийн аварга шалгаруулах тэмцээний хасагдах шатны эхний тойргийн тоглолтууд өчигдөр (2026 оны 6 сарын 20)-ны өдөр амжилттай явагдаж дууслаа. Тэмцээнд Монгол Улсаас Гонбожавын Занданшатар хүчтэй өрсөлдөгчдийг эгнээндээ нэгтгэсэн шилдэг багуудын нэг болох "WR Chess" багийн бүрэлдэхүүнд багтан амжилттай тоглож байна.

Хасагдах шатны "Round of 16" буюу шөвгийн 16-гийн шатанд түүний “WR Chess” баг Индонезийн (Indonesia) багтай тулан эхний тоглолтод 5:1, хоёр дахь тоглолтод 4:2-оор тус тус итгэл төгс хожиж, тэмцээний шөвгийн наймд албан ёсоор шалгарлаа. Шөвгийн наймын тоглолт өнөөдөр 14:00 цагаас болно. Тэмцээний хуваарийн дагуу “WR Chess” баг шөвгийн наймын шатанд (Quarter Finals) Азербайжаны багийг буулган авсан хүчирхэг Узбекистан (Uzbekistan) Улсын багтай хагас шигшээд үлдэхийн төлөө тулахаар боллоо.

Г.Занданшатарын “WR Chess” баг шөвгийн наймд шалгарч үлдлээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид