Дэлхийн чансааны оноо олгох “Улаанбаатар опен-2026” тэмцээний сонгомол барилдааны 97 кг-ын жинд Энэтхэгийн тамирчин, Азийн аваргын мөнгө, хүрэл медальт Нитеш аваргаллаа. Түүний хувьд, өнгөрсөн жил уг тэмцээнээс мөнгөн медалийг гардаж байсан бол энэ удаа дутуугаа гүйцээж алтан медалийн эзнээр тодорсон юм.

    Мөнгөн медалийг Казахстаны Нурасыл Аманали хүртлээ. Манай бөх ОУХМ Г.Ганхуяг, Венесуэлийн Хуан Диаз Бланког үндсэн цаг дуусахаас өмнө даралтаар буулган авч, хүрэл медалийн эзэн болов. Тэрбээр “Улаанбаатар опен” тэмцээнээс хоёр жил дараалан хүрэл медаль гардсан нь энэ юм. Харин Өмнөд Солонгосын Ли Мин Хо, манай тамирчин Э.Түвшинсанааг ялж, энэ жингийн нөгөө хүрэл медальд хүрсэн.

97 кг-ын дүн:

1. Нитеш (Энэтхэг) алт

2. Нурасыл Аманали (Казахстан) мөнгө

3. Г.Ганхуяг (Монгол) хүрэл

3. Ли Мин Хо (Өмнөд Солонгос) хүрэл.