Сонгомол болон чөлөөт бөхийн дэлхийн чансааны оноо олгох “Улаанбаатар опен-2026” тэмцээнд 23 орны 297 тамирчин 30 алтан медалийн төлөө хүч сорьж байна. Үүнээс эрэгтэй тамирчин 198, эмэгтэй тамирчин 99 байгаа юм. Эдгээр тамирчдын дотор олимпын наадам, ДАШТ, тивийн Ази тивийн медальтай тамирчид цөөнгүй оролцож байна.

    Тухайлбал, дэлхийн хошой аварга, “Парис-2024” олимпын наадмын мөнгөн медальт Рахман Амузадхалили, “Парис-2024” олимпын наадмын аварга Магомед Рамазанов, 2025 оны дэлхийн аварга Хан Чон Сон, 2024 оны дэлхийн аварга Моэ Киёока, 2026 он гарснаар нэг ч ялагдалгүй байгаа Ази тивийн аварга Сужеет нарын зэрэг олон бөхийг нэрлэж болох юм.

    Энэтхэгийн шигшээ багийнхан хамгийн өргөн бүрэлдэхүүнтэй хүрэлцэн ирж, 45 тамирчнаа уг тэмцээнд сойж байна. Тэмцээн бөхийн сонгомол барилдаан болон эмэгтэй, эрэгтэй чөлөөт бөх гэсэн гурван төрлөөр зургадугаар сарын 4-7-ны өдрүүдэд “Буянт-Ухаа” спорт цогцолборт явагдана. Энэ тэмцээнийг “MNB” телевизийн хамт олон дөрвөн өдрийн туршид шууд дамжуулан хүргэнэ.