Сүхбаатарын талбайд өчигдөр “СОЁЛЫН БОЛОВСРОЛ-НЭГ МОНГОЛ” нээлттэй хаалганы өдөрлөг боллоо. Өдөрлөгт 27 байгууллагын 400 орчим хүн хамрагдсан байна.  Тамирчин, дасгалжуулагч нар идэвхтэй, тогтмол дасгал хөдөлгөөн хийсний дүнд эрүүл мэндэд эерэг нөлөө үзүүлсэн сайн туршлагаасаа хуваалцсан нь өдөрлөгч ирсэн хүмүүст сонирхолтой байв.

    Мөн Үндэсний шигшээ багийн тамирчид тив, дэлхийн тавцанд эх орныхоо нэрийг өндөрт мандуулах замдаа туулсан бэрхшээл, уйгагүй хөдөлмөрийнхөө үр шимээр алдрын оргилд гарсан замналаа хуучилж, хүүхэд залууст спортоор хичээллэх эрмэлзлийг төрүүлж байлаа.

   Нийтийн биеийн тамир тамирыг сурталчилан таниулах чиглэлээр “Шугаман бүжиг”, “Uuree dance” бүжгийн үзүүлэх тоглолт, аэробик, таеквондо, гимнастик, Спортын дунд сургуулийн үзүүлэх тоглолт зохион байгуулж, иргэд хамтран дасгал хөдөлгөөнд идэвхтэй хамрагдлаа.

   Үүнээс гадна Спортын анагаах ухаан, эрдэм шинжилгээний төвөөс сорил авч зөвлөгөө өгсөн бөгөөд хоол зүй, биеийн жингийн индекс тодорхойлох үйлчилгээ үзүүлсэн байна.