Монголын холимог тулааны 2024 оны 70 кг жингийн бүсний аваргын төлөөх тулааныг 2024 оны нэгдүгээр сарын 6-ны өдөр болно. Оргил тулааныг 2009 оны “MGL-1”, “FC” 1-р тулааны шилдэг наймд шалгарч байсан Дундговь аймгийн Гурвансайхан суманд төрсөн. АНУ-д холимог тулааны төрлөөр тасралгүй зургаан ялалт байгуулсан “Тэйд констракшион”, “One-team” клубийн тамирчин “Катана” хочит Х. Хатанбаатар хийнэ.

        Түүний өрсөлдөгч нь анх -93 кг-ын жинд ялалт байгуулж, 83 кг, 70 кг-ын жинд өрсөлдөж таван ялалт байгуулж 2022 оны 70 кг-ын “номер-1” тамирчин болсон Баянхонгор аймгийн Галуут сумын уугуул “Хаан хүнс импекс” ХХК,  “Шандас ММА”-ын тамирчин Г. Намнанбаяр байна. Тэд таван минутаар таван үе тохой өвдөг оролцуулан тулалдана.

       Мөн 70 кг-д Х.Төрбаяр, Г.Эхтулга, 61 кг-д Б.Мөнхжаргал, Д.Түвшинтөгөлдөр, 57 кг-д Б.Жанчиннямбуу, Ц.Лхагвасүрэн, 66-д О.Алтансүх, Ч.Анхбаяр, 61 кг-д О.Сүхбат, Э.Энх-Амгалан, 57 кг-д Б.Отгонбаатар, Н.Цогтгэрэл, 70 кг-д П.Ууганбаяр, О.Мөнх-Үйлс, 66 кг-д Б.Мөрөн, Б.Эрмүүн нар тулалдана. Тус өдөр есөн тулаанд 18 тамирчин тулалдах юм.