Монгол Улсад орчин цагийн биеийн тамир, спортын салбар үүсэж хөгжсөний 100 жилийн түүхт тэгш ой 2024 онд тохиож буйтай холбогдуулан 100 жилийн ойн лого, хүндэт тэмдэг, брэнд бүүк бүтээх уралдааныг нийт дизайнер, зураач, уран бүтээлчдийн дунд нээлттэй зарлаж байна.

        100 жилийн ойн лого, хүндэт тэмдгийн ерөнхий шаардлага нь түүхэн үйл явдлыг бүрэн илэрхийлсэн утга агуулгатай байх. Биеийн тамир, спортын салбарын үйл ажиллагааны чиглэл, онцлогийг бэлгэдсэн агуулгыг харуулах. Дүрслэлийн шийдэлд үндэсний агуулга, орчин үеийн дүрслэх урлагийн элементийг хослуулан шингээсэн байхыг чухалчилна.

         Брэнд бүүк нь албан бичиг /бланк/, дугтуй календарь, тэмдэглэлийн дэвтэр, үзэг, бал, туг, далбаа, дарцаг, CD ковер, цаасан хайрцаг, уут, аяга, түлхүүрийн оосор гэх мэт бүтээгдэхүүн дээр хэвлэж ашиглах боломжтой байх ёстой. Салбарын тэргүүний ажилтан хүндэт тэмдгийн ерөнхий шаардлага нь спортын салбарын тэргүүний ажилтан хүндэт тэмдэг нь тухайн салбар, ажил, мэргэжлийн чиглэл, онцлогийг бэлгэдсэн дүрслэлтэй, тэмдгийн оноосон нэрийг бичсэн, дээд хэсэгт соёмбо дүрсэлсэн, урт нь 40-50 мм, өргөн нь 20-30 мм, зузаан нь 3 мм-ээс илүүгүй хэмжээтэй байх ажээ.