Бахрейн Улсад зохион байгуулагдсан 2023 оны холимог тулааны өсвөр үеийн Ази тивийн аварга шалгаруулах тэмцээнээс Монголын баг тамирчид хоёр хүрэл медаль хүртсэн амжилт үзүүллээ. Ахлах насны эрэгтэйчүүдийн 77.1 кг-ын жинд Баттөмөрийн Оргил, охидын 52.2 кг-д Галхүүгийн Сарнай нар тус тус медалийн тавцанд гарч эх орныхоо төрийн далбааг мандуулсан байна.

          Мөн 61.2 кг-д Ууганбаатарын Бартанбаатар, дунд насны 62 кг-д Мандахын Өнөмөнх нар тулалдаж шагналт байруудад шалгарчээ. Баг тамирчдыг Монголын холимог тулааны холбоо болон "Болд нударга" клубийн дасгалжуулагч Т.Болдбаатар ахалж оролцсон байна. Тус тэмцээнд Ази тивийн нийт 18 орны шилдэг залуу тулаанчид өрсөлдөж шилдгүүдээ тодруулжээ.