Тив, дэлхийн аварга шалгаруулах тэмцээнд бахдам амжилттай оролцож, эх орныхоо нэрийг олон улсад өндөрт өргөсөн өсвөрийн 25 манлайлагч шатарчин хүүхдүүддээ МШХ-ны ерөнхийлөгч С.Наранбат хүндэтгэл үзүүлж, гарын бэлгээ гардуулан өгөв.

       Мөн Биеийн тамир, спортын тэргүүний ажилтан цол тэмдгээр “Төгс Нүүдэл” клубийн үүсгэн байгуулагч З.Цэнгэнбаяр болон Ц.Отгонбат нарыг тус, тус шагнасан байна. МҮОХ-ны “Очир-Эрдэнэ” одонгоор “Хос мастер” академийн захирал, багш Н.Энхнасан, “Олимпын алдар” медалиар Сүхбаатар аймгийн дасгалжуулагч Ж.Энхбаатар, МЗХ-ны “Тэргүүний залуу” медалиар С.Билгүүн, Б.Баярмаа, МШХ-ны нэрэмжит шагналаар Бодлого бодолтын төрөлд манлайлж үргэлж идэвхитэй ажилладаг ОУХМ Л.Тогоохүү нарыг тус, тус шагнав.