Япон Улсын нийслэл Токио хотод жүдо бөхийн 2023 оны сүүлчийн тэмцээн болох “ Токио-2023” их дуулга тэмцээн  эхэллээ.   Өнөөдөр эмэгтэйчүүдийн 57 кг-д Л.Энхрийлэн, Японы Ayami Takano-д ялагдсан. Энэ жингийн алтан медалийн төлөө Канадын Chirista Deguchi аварга, Бразилын Jessica Lima-тай барилдана.

           63 кг-д Д.Есүй нэгдүгээр тойрогт гоц мөргөн ялалт авсан байгаа. Тэрбээр хоёрдугаар тойргийн барилдаанд Польшийн Angelika Szymanska-тай таарлаа. М.Ичинхорлоо, Германы Nadja Bazynski-тай барилдаагүй байна.

         70 кг-д Б.Ням-Эрдэнэ, ОХУ-ын Daria Khramoikina-д ялагдсан. Энэ жингийн алтан медалийн төлөө Нидерландын Sanne Van Dijke, Японы Shiha Tanaka-тай барилдана. +78 кг-д А.Адъяасүрэн энхний тойрогт гоц мөргөн ялалт авсан. Хоёрдугаар тойрогт ОХУ-ын Elis Startseva-д хожигдож тэмцээнээ өндөрлөсөн. Энэ жингийн алтан медалийн төлөө Японы Mao Arai, Францын Lea Fontaine-тай өрсөлдөнө.

        Харин эрэгтэйчүүдийн 73 кг-д Б.Эрдэнэбаяр, нэгдүгээр тойрогт Молдавын Adil Osmanov-д хожигдсон. Харин Ц.Цогтбаатар бэртлийн улмаас барилдаагүй. Энэ жингийн алтан медалийн төлөө Японы Soichi Hashimoto, Азербайжаны Hidayat Heydarov-тай таарсан. 81 кг-д Л.Сэргэлэн, ОХУ-ын Timur Arbuzov-д ялагдсан. Тус жингийн алтан медалийн төлөө Бельгийн Matthias Casse, Өмнөд Солонгосын Lee Joon Hvan-тай барилдана. 90 кг-д Ц.Дагвадорж, Германы Eduard Trrippeld-д хожигдсон. Тус жингийн алтан Медалийн төлөө Гүржийн Luka Maisuradze, Японы Sanshiro Murao-тай таарлаа.