Энэ өдөр “Имперо Групп”, “Сүлд” спорт хороо, Жүдо бөхийн Үндэсний шигшээ багийн тамирчин, ОУХМ Бавуудоржийн.Баасанхүү Хөвсгөл аймгийн Мөрөн хотод мэндэлжээ. ОУХМ Бавуудоржийн Баасанхүү  өнгөрсөн 2022 онд оролцсон гурван тэмцээнээс медаль хүртсэн сайхан амжилт гаргаад байгаа.

         Б.Баасанхүү “Grand Slam”-аас хоёр мөнгө, нэг хүрэл, жүдо бөхийн насанд хүрэгчдийн улсын аварга шалгаруулах тэмцээнээс нэг алт, нэг мөнгө, самбо бөхийн залуучуудын дэлхийн аварга алт, хүрэл, самбо бөхийн Азийн аваргаас хоёр алт, нэг мөнгө, самбо бөхийн дэлхийн цомоос нэг алт, нэг мөнгө, хоёр хүрэл, самбо бөхийн тулааны наадмаас алтан медаль хүртэж байлаа.

          Түүнийг “IJF”-ийн мэргэжилтнүүд Хөвсгөл аймагт тусгай хөтөлбөрийн хүрээнд зочлох үедээ хөдөөгөөс шүүрдэж олсон “Хясаанд нуугдсан сувд”  хэмээж байлаа. Тэрбээр ч  “IJF”-ийн мэргэжилтнүүдийн итгэлийг алдалгүй  “Алдарт бага дэлхийн аварга” хэмээх Парисын "Их дуулга"-аас мөнгө, Тель-Авив их дуулгаас хүрэл медаль хүртсэн билээ. Мөн Туркийн Антальяд болсон "Их дуулга" тэмцээний эмэгтэйчүүдийн хамгийн хөнгөн жин буюу 48 кг-ын жинд  Г.Наранцэцэгийн хамтаар хүрэл медалийн тавцанд зогссон юм.