Биеийн тамир, спортын улсын хорооны дарга О.Баттулга өчигдөр Хөгжлийн бэрхшээлтэй хүний хөгжлийн ерөнхий газрын дарга Ц.Нямсүрэн, Хяналт шинжилгээ, үнэлгээний газрын дарга Л.Батмөнх, мэргэжилтэн Д.Сонгохбаяр нарыг хүлээн авч уулзаж, 2024 онд хамтран ажиллах талаар санал солилцлоо.

      Уулзалтад БТСУХ-ны Биеийн тамирын бодлогын хэрэгжилтийн хэлтсийн дарга О.Баасан, мэргэжилтэн Ч.Базарсүрэн нар байлцав. Энэ уулзалтын үр дүнд 2024 онд Франц Улсын нийслэл Парис хотод болох зуны паралимпын наадмыг телевизээр шууд дамжуулах, хөгжлийн бэрхшээлтэй иргэдийн дунд бүх нийтийг хамарсан өдөрлөг зохион байгуулахаар санал нэгдлээ.

         Дараа нь пара спортын Үндэсний шигшээ багийн тамирчидтай хамтран хөгжлийн бэрхшээлтэй иргэд рүү чиглэсэн нөлөөллийн ажил зохион байгуулна. Түүнчлэн аймаг, дүүргүүдийн Биеийн тамир, спортын, газар, хороодын төлөвлөгөөнд пара спортын тэмцээн уралдаан зохион байгуулдаг байхыг тусгахаар боллоо.