Монгол Улсын сайд, Олимп нийтийн биеийн тамир спортын үндэсний хорооны дарга Б.Бат-Эрдэнэ "Мехико-1968" оны олимпын наадамд медаль хүртсэн азай буурлуудын төлөөллийг хүлээн авч хүндэтгэл үзүүллээ. Монголчууд 1964 оны Токиогийн олимпын наадамд анх удаа өрсөлдөж тухайн үеийн Япон Улсын хэвлэл мэдээллийн хэрэгслээр "Гүүний сүүгээр угжуулсан Монголчууд дараагийн олимпод дийлдэхгүй нь" гэсэн мэдээллүүд гарч байсан гэдэг.

          Энэ мэдээлэл үнэн, ерөөлтэй байж Монголчууд, Монголын спортын түүх 1968 оны Мексикийн Мехико хотноо болсон зуны олимпын наадамд чөлөөт бөхийн төрөлд дөрвөн медаль хүртэж олимпын амжилтын замнал эхэлсэн түүхтэй. Тэр түүхийн эзэд нь Монгол Улсын гавьяат тамирчин, Ардын багш Ч.Дамдиншарав, Монгол Улсын хөдөлмөрийн баатар, гавьяат тамирчин Ж.Мөнхбат, Монгол Улсын гавьяат тамирчин Т.Артаг, Монгол Улсын гавьяат тамирчин Д.Сэрээтэр нар юм. Монголын спортын түүхийн эздийн хоёр нь өнөөдөр ертөнцийн мөнх бусыг үзсэн. Салбарын удирдлагууд тэдний ар гэрийнхэнд мөн хүндэтгэл үзүүллээ.