Монгол Улсын Төрийн албаны тухай хууль, Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-ыг үндэслэн Төрийн албаны мэргэшлийн шалгалт өгч, тэнцсэн Биеийн тамир, спортын улсын хорооны гурван албан хаагч өчигдөр тангараг өргөлөө.

        Төрийн захиргааны удирдлагын газрын Байгууллагын дотоод сүлжээ хариуцсан мэргэжилтэн Өлзийбатын Бямбасүрэн, Агентлагийн дотоод үйл ажиллагаа, гүйцэтгэл хариуцсан мэргэжилтэн Занд-Очирын Мөнхзул, Үндэсний шигшээ багийн Өсвөр үеийн шигшээ багийн асуудал хариуцсан мэргэжилтэн Элгелийн Баттүшиг нар тангараг өргөв.

      Тэд “Эх орон, ард түмнийхээ төлөө эрдэм чадлаа зориулж, Монгол Улсын хууль, ёс зүйн хэм хэмжээг чанд сахиж, үндэсний язгуур ашиг сонирхолд захирагдан албан үүргээ үнэнч шударгаар биелүүлэхээ тангараглая. Тангаргаа няцвал хуулийн хариуцлага хүлээнэ” хэмээн тангараг өргөсөн юм.