С.Отгонбат, Д.Бямбажав нарыг БТС-ын “Тэргүүний ажилтан” цол тэмдгээр шагнаж урамшууллаа

2023-11-22, 220

Биеийн тамир, спортын улсын хорооны дарга О.Баттулга өнөөдөр Монголын пара бочигийн холбооны удирдлагуудыг хүлээн авч уулзав. Энэ үеэр Монголын пара бочигийн холбооны тэргүүн дэд ерөнхийлөгч С.Отгонбат, дасгалжуулагч Д.Бямбажав нарыг Биеийн тамир, спортын тэргүүний ажилтан цол тэмдгээр шагнаж урамшууллаа.

О.Баттулга дарга “Пара бочи нь монголд хожуу үүсэж хөгжсөн ч өнгөрсөн хугацаанд хийсэн ажил, үзүүлсэн амжилт нь жилээс жилд ахиж байгааг онцолж, хөгжлийн бэрхшээлтэй иргэдийн хөгжлийг дэмжих үйлсэд нь амжилт хүслээ.

Монголын бочигийн тамирчин Х.Ирмүүн Польш Улсад болсон олон улсын тэмцээний шилдэг наймд шалгарсан. Тэрбээр өдгөө дэлхийн чансааны 49 дүгээр байрт жагсаж байна. Азийн зуны спортын пара наадамд Монголын тамирчид хоёр удаа оролцсон бөгөөд Хонконгод ирэх сарын 3-12-ны өдрүүдэд болох Ази, Номхон далайн орнуудын аварга шалгаруулах тэмцээнд баг тамирчдадаа оролцуулахаар бэлтгэл сургуулилалтаа хангаж байгаагаа дуулгалаа.

С.Отгонбат, Д.Бямбажав нарыг БТС-ын “Тэргүүний ажилтан” цол тэмдгээр шагнаж урамшууллаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид