“Эерэг хандлага-Эрүүл нийгэм” аяны хүрээнд БТСУХ-ны ажилтан албан хаагчид “Sand Art Creative Studio”-ыг үзэж сонирхов. Уран зураг зурах, зурсан зургаа харах бүрд хүний сэтгэл санаа, бие махбод, сэтгэл зүйд нэн таатай мэдрэмж төрүүлдэг байна. Зурах урлагийг ойлгон таашаадаг байх нь бидний төсөөлж байснаас илүү эерэг нөлөө үзүүлдэг аж.. Цаашлаад уран зургийн урлагаар дамжуулан бие махбод, сэтгэл санаагаа анагаах боломжтой гэнэ.

         Иймд “Эерэг хандлага-Эрүүл нийгэм” аяны хүрээнд Биеийн тамир, спортын улсын хорооны зүгээс нийт ажилтан албан хаагчдынхаа дунд “ART THERAPY” арга хэмжээг “Sand Art Creative Studio”-д зохион байгуулсан байна.

         Өчигдөр БТСУХ-ны Төрийн захиргааны удирдлагын газар, Гадаад харилцаа, мэдээллийн технологийн хэлтсийн мэргэжилтнүүд хамрагдлаа. Хүн хоорондын уялдаа, холбоог сайжруулах нь энэ арга хэмжээний гол зорилго оршив уу гэлтэй, ирсэн албан хаагчид сэтгэл санаа өөдрөг, дахин хамрагдах хүсэлтэйгээ илэрхийлж байлаа.