Монгол Улсын гэмт хэрэг, зөрчлөөс урьдчилан сэргийлэх ажлыг зохицуулах зөвлөл, Цагдаагийн Ерөнхий газраас улсын хэмжээнд хүүхэд өртсөн зам тээврийн ослоос урьдчилан сэргийлэх ажлын хэрэгжүүлж байна.  Хүүхдийг зам тээврийг ослоос урьдчилан сэргийлэх олон талт ажлын нэг нь сургуулийн насны хүүхдэд замын хөдөлгөөнд аюулгүй оролцуулах зөв дадлыг хэвшүүлэх соёл юм.

        Мөн эцэг эх, асран хамгаалагчийн үүрэг, хариуцлагыг нэмэгдүүлэх, замын хөдөлгөөний хууль, дүрмийг сурталчлах зорилгоор сургуулийн сурагчдын дунд “НОГООН ГЭРЭЛ ЦАГААН ШУГАМ -2023” тэмцээн Дархан-Уул аймагт амжилттай болж өндөрлөлөө.

         Тус тэмцээнд найман сургуулийн нийт 80 гаруй хүүхэд оролцож хурд хүч, авьяас чадвар, замын хөдөлгөөний дүрмийн мэдлэгээрээ өрсөлдсөн байна. Тэргүүн байрт “Оюуны ирээдүй” цогцолбор сургууль, дэд байрт “Од” цогцолбор сургууль, гуравдугаар байрт 9-р сургууль орсон байна.  Харин “Тусгай байр”-ыг 4-р сургууль тус тус шалгарч цом, алт, мөнгө, хүрэл медаль, өргөмжлөл хүртжээ.