ОХУ-ын Тувагийн өсвөрийн шилдэг бөхчүүд Монгол Улсын өсвөрийн бөхчүүдийн барилдаан өчигдөр боллоо.Хоёр улсын өсвөрийн бөхчүүдийн багийн барилдаанд Тувагийн баг 33:16-ын харьцаатай ялалт байгуулав. Тувагийн багт залуу бөх Донгак Сүлде /7/, Намчаа Сүгдер /5/, Ондар Алдаржы /5/, Салчак Кудерек /1/, Монгуш Алаш /3/, Ооржак Айрат /4/, Самбый-оол Айслан /1/, Монгуш Гендун /3/, Эрес-оол Солаан-Байыр /4/, нар нийт /33/ даваа авч ялжээ.

           Монгол Улсын багт сумын заан Э.Бат-Өлзий Говь-Алтай аймаг  /6/, сумын начин Төв аймаг /1/, сумын начин Б.Бумбацогт Баянхонгор /3/, залуу бөх Г.Үнэнхүү Багануур дүүрэг /0/, Т.Мөнгөн-Эрдэнэ Дундговь /5/, Б.Хадбаатар Архангай /1/, Ж.Бат-Эрдэнэ /0/, Д.Төрболд /0/, Б.Эрболд /0/ нар нийт 16 даваа авсан байна.

            Тувагийн багийн дасгалжуулагчаар Донгак Кайгал-оол, Баткар Анатолий, Монгол Улсын багийн дасгалжуулагчаар Б.Батхуяг нар ажиллажээ. Хоёр багийн хүүхдүүд нийт долоон тойрог барилдсан бөгөөд Тувагийн залуу бөх Донгак Сүлде долоон тойрог барилдаж долоо давсан амжилтаар бусдыгаа манлайлсан байна.

           Харин Монгол Улсын багаас сумын заан Э.Бат-Өлзий долоо барилдаж, зургаа давсан амжилтаар удаалав. Барилдааныг МҮБХ-ны хамтын ажиллагааны хүрээд зохион байгуулсан бөгөөд амжилт гаргасан Тувагийн өсвөрийн бөхчүүдийг Монгол Улсад Их, дээд сургуулиудад элсэн суралцахад МҮБХ-оос дэмжин ажиллах юм байна.