Японы мэргэжлийн сүмо бөхийн кюүшү башёгийн долоо дахь өдрийн барилдааны өмнө дээд зиндаанд нэг ч унаагүйгээр тэргүүлж байсан Секиваке Котоновака, Маэгаширагийн 14-өөс барилдаж буй Ичияамамото нар байлаа. Тэд долоо дахь өдрийн барилдаанд хоёул өвдөг шороодож түүний араас таван даваа, нэг унаатайгаар нэхэж байсан Озеки Хошёорюү С.Бямбасүрэн давснаар тэдний даваа, унааны харьцаа тэнцлээ. Өөрөөр хэлбэл долоон өдрийн дараах байдлаар дээд зиндаанд зургаан даваа, нэг унаатайгаа Озеки Хошёорюү С.Бямбасүрэн, Секиваке Котоновака, Маэгаширагийн 14-өөс барилдаж буй Ичияамамото тэргүүлэх боллоо. 

Долоон өдрийн дараах байдлаар Монгол бөхчүүдийн даваа, унааны мэдээлэл:

Дээд зиндаа:

Киришима Б.Лхагвасүрэн 5:2
Хошёорюү С.Бямбасүрэн 6:1
Хокүсэйхо Э.Даваанинж 3:4
Тамаваши Б.Мөнх-Оргил 5:2

Жүрёо зиндаа:

Оошёоүма П.Дэлгэрбаяр 3:4
Миторюү Б.Төрболд 3:4
Чиёошома Г.Мөнхсайхан 4:3
Дайшохо Ч.Шижирбаяр 3:4
Тамашохо Э.Энхманлай 5:2