Жүдо бөхийн залуучуудын Ази тивийн аварга шалгаруулах тэмцээн энэ сарын 18-19-ний өдрүүдэд зохион байгуулагдаж өндөрлөнө. Энэ удаагийн залуучуудын Азийн аваргад манай улсаас 16 тамирчин өрсөлдөж байна.

          Залуучуудын Ази тивийн аваргын эхний өдөр эмэгтэй 48 кг, 52 кг, 57 кг, эрэгтэйчүүдийн 60 кг, 66 кг; 73 кг жингийн барилдаанууд явагдсан. Өнөөдөр манай улсаас найман бөх барилдана. Эмэгтэйчүүдийн 63 кг жинд: Х.Маралмаа “D” хэсгийг тэргүүлэн барилдана. Тэрбээр эхний тойрогт Туркменистаны бөхтэй учраа таарсан байгаа. 

        Эмэгтэйчүүдийн -70 кг-ын  жинд: А.Лхагважав “А” хэсгийн эхний тойрогт гоц мөргөж, ялалт авсан байгаа. Тэрбээр  хэсгийн аваргын төлөө Киргизстаны бөхтэй учраа таарсан. Эмэгтэйчүүдийн -78 кг-ын жинд хоёр хоногийн өмнө өсвөрийн Ази тивийн аваргад түрүүлсэн  А.Дуламсүрэн “С” хэсгийн эхний тойрогт Иран Улсын тамирчинтай учраа таарсан байна.

       Эмэгтэйчүүдийн +78 кг-ын  жинд: Б.Тэргэлнаран эхний тойрогт гоц мөргөж, ялалт авсан байгаа. Тэрбээр хэсгийн аваргын төлөө Казахстаны бөхтэй учраа таарсан.  Эрэгтэйчүүдийн 81 кг-ын жинд Г.Түвдэнренчин эхний тойрогт гоц мөргөж, ялалт авсан. Түүнтэй хоёрдугаар тойрогт өрсөлдөх Киргизстаны бөх жингээр хасагдсан тул шууд хэсгийн аваргын төлөө барилдахаар болсон. 

       Эрэгтэйчүүдийн 90 кг-ын жинд: М.Ананд эхний тойрогт Иран Улсын бөхтэй учраа таарсан. Эрэгтэйчүүдийн -100 кг-ын жинд: А.Баттулга эхний тойрогт Кувейтийн бөхтэй учраа таарсан байгаа.  Эрэгтэйчүүдийн +100 кг-ын  жинд: Г.Хангарьд “С” хэсгийг тэргүүлэн барилдах ба эхний тойрогт гоц мөргөж, ялалт авсан. Хэсгийн аваргын төлөө Казахстан болон Ираны бөхийн хэн ялсантай барилдана.