Японы мэргэжлийн сүмо бөхийн Кюүшү башё Фүкүока хотод үргэлжилж байна. Одоо башёгийн зургаа дахь өдрийн барилдаан эхэлж байна. Өнөөдөр дээд зиндаанд барилдах монгол бөхчүүдийн оноолт гарсан байна: Озеки Киришима Б.Лхагвасүрэн дөрвөн даваа, нэг унаатай яваа. Тэрбээр маэгашира Гонояаматай барилдана. Озеки Хошёорюү С.Бямбасүрэн таваа, нэг ч унаагүй байгаа. Тэр маэгашира Такаяасүтай таарсан. Маэгашира Хокүсэйхо Э.Даваанинж хоёр даваа, гурван унаатай яваа. Тэрбээр маэгашира Нишикигитэй барилдана. Маэгашира Тамаваши Б.Мөнх-Оргил дөрвөн даваа, нэг унаатай байгаа. Тэр өнөөдөр маэгашира Чураноумитай оноолт таараад байгаа юм.