Спортын төв сургуулийн захирал Ч.Зоригтбаатар Монголын боксын холбооны шинэ ерөнхийлөгч, МҮОХ-ны гишүүн У. Баатартай уулзаж, хамтын ажиллагааны талаар дэлгэрэнгүй ярилцлаа. Тэд хүүхдийн спортын хөгжлийн асуудал, боксын заал, танхимын тохижилт, эрүүл ахуй, аюулгүй байдал, цагийн хуваарь. Мөн өсвөрийн тамирчдын тэмцээн, уралдааны тогтолцоог боловсронгуй болгох асуудлаар ярилцсан байна.

         Үүнээс гадна боксын өсвөрийн тамирчдын лигийн тэмцээн зохион байгуулах төсөл, багш, дасгалжуулагчдын мэргэжлийн мэдлэг, боловсролыг дээшлүүлэх асуудлаар санал солилцжээ. Монголын Улсын биеийн тамир, спортын хөгжлийг эрчимжүүлэх чухал хүчин зүйлүүдэд өсвөр үеийн дунд зохиох бие бялдрын хүмүүжлийн ажлын тогтолцоог боловсронгуй болгохыг чухалчилсан байна. Хүүхдийн спортын сургалтын чанар, үр дүнг дээшлүүлэх, хүүхдийн спортын хөгжлийг бодитойгоор анхаарч, эрс шинэчлэл хийх асуудал зайлшгүй шаардлагатай байгаа дээр санал нэгджээ.