Узбекистан Улсын Ташкент хотноо энэ сарын 16-17-ны өдрүүдэд зохион байгуулагдах өсвөрийн жүдо бөхийн Ази тивийн аварга шалгаруулах тэмцээнд 15 орны 181 жүдоч өрсөлдөж байна. Тэмцээний эхний өдөр  өчигдөр  охидын 40 кг, 44 кг, 48 кг, 52 кг, хөвгүүдийн 50 кг, 55 кг, 60 кг, 66 кг жингийн барилдаанууд явагдаж манай улсаас таван бөх зодоглов. 

       Манай бөхчүүдээс охидын 52 кг-ын жинд 2022 оны өсвөрийн Ази тивийн аваргын хүрэл медальт, 2023 онд олон улсын цомын тэмцээнүүдээс зургаан алт, нэг мөнгөн медальтай Тэрбишийн Ариунзаяа медалийн төлөө шалгарч үлдсэн юм. 

     Тэрбээр “А” хэсгийг тэргүүлэн барилдсан ба эхний барилдаандаа  Өмнөд Солонгосын тамирчинд ялагдсан.  Харин дагах тойргийн барилдаанд Тайвань, Киргизстан Улсын бөхчүүдийг ялж юм. Хүрэл медалийн төлөө Энэтхэгийн бөхтэй барилдан хожигдож тавдугаар байрт шалгарлаа.