Монголын хөл бөмбөгийн “Арвис” клубээс гараагаа эхлүүлж байсан Г.Төгөлдөр Чех Улсын хөл бөмбөгийн дээд лигт анхны дебют тоглолоо хийлээ. Өдгөө 18 настай тэрбээр Чехийн “Динамо Ческе-Будёвице” клубийн академид суралцан 19 хүртэлх насны багт тоглож байгаа билээ. 

      Түүний хувьд өнгөрсөн бямба гарагт болсон Чехийн дээд лигийн 15-р тойрогт “Теплице” клубийн эсрэг тоглолтод үндсэн багийнхаа бүрэлдэхүүнд багтжээ. Улмаар тоглолтын 82 дахь минутад сэлгээгээр талбайд гарснаар Чехийн дээд лигт тоглосон анхны монгол тоглогч  болов.

        Г.Төгөлдөр өнгөрсөн есдүгээр сард Австрийн “Ласк” клубийн эсрэг нөхөрсөг тоглолтод анх удаа үндсэн багтаа дуудагдсан бол энэ удаад дээд лигт анхны тоглолтоо хийж байна.