“Парис 2024” олимпын чөлөөт бөхийн эрх олгох тэмцээний хуваарь гарчээ. Тивүүдийн аварга шалгаруулах тэмцээн 2024 оны тэмцээний эхний хоёр байр, алт, мөнгөн медальтнууд эрх авна.

     Ирэх 2024 оны гуравдугаар сарын 1-3-ны өдрүүдэд, Мексик Улсын Акапулько хотод. Пан Америкийн эрх олгох тэмцээн болно. Гуравдугаар сарын 22-24-ний өдрүүдэд Египет Улсын Александрия хотод Африк тив, далайн орнуудын эрх олгох тэмцээн явагдана.

     Европ тивийн эрх олгох тэмцээн 2024 оны дөрөвдүгээр сарын 4-7-ны өдрүүдэд Азербайжан Улсын Баку хотод болно. Харин Ази тивийн эрх олгох тэмцээн 2024 оны дөрөвдүгээр сарын 19-21-ний өдрүүдэд,  Киргизстан Улсын Бишкек хотод болохоор болжээ.

      Үүнээс гадна дэлхийн эрх олгох тэмцээний эхний гурван байрт шалгарсан тамирчдад эрх олгоно юм байна. Тус тэмцээн 2024 оны тавдугаар сарын 9-12-ны өдрүүдэд Турк Улсын Стамбул хотод явагдана.
 

 “Парис-2024” олимпын наадмын чөлөөт бөхийн төрөлд олимпын эрх аваад буй орнуудыг танилцуулбал:
 

Эрэгтэй чөлөөт бөх
57 кг-д: Серби, Япон, Армен, Албани, Орос
65 кг-д: Унгар, Пуэрто-Рико, Армен, Орос, Иран
74 кг-д: Орос, АНУ, Серби, Япон, Грек
86 кг-д: АНУ, Иран, Сан-Марино, Казахстан, Узбекистан
97 кг-д: Бахрейн, Азербайжан, АНУ, Турк, Гүрж
125 кг-д: Иран, Гүрж, Турк, АНУ, Орос.

Эмэгтэй чөлөөт бөх

50 кг-д: Япон, Монгол, АНУ, БНХАУ, Турк
53 кг-д: Япон, Беларусь, Эквадор, Энэтхэг, Швед
57 кг-д: Япон, Молдав, Нигери, АНУ, Польш
62 кг-д: Япон, Киргизстан, Норвег, Украин, Герман
68 кг-д: Турк, Монгол, Франц, Молдав, Япон
76 кг-д: Япон, Киргизстан, Колумба, АНУ, Куба.