Монгол Улсын арслан Цэдэвийн Содномдорж 1986 оны энэ өдөр Хөвсгөл аймгийн Тосонцэнгэл суманд мэндэлжээ. Тэрбээр 2009 оны үндэсний их баяр наадмаар тавын даваанд Монгол Улсын харцага Т.Өсөх-Ирээдүйг давснаар Монгол Улсын начин цолыг хүртсэн. Улмаар 2011 оны үндэсний их баяр наадамд Монгол Улсын заан Б.Батмөнхөөр зургаа даван харцага цолны болзол хангасан байдаг. Улмаар 2015, 2016 онуудад зургаа давж харцага цолоо баталжээ. Ц.Содномдорж арслан 2017 оны наадамд ес даван түрүүлж, Монгол Улсын арслан цол хүртсэн. Ц.Содномдорж нь бие галбир сайхантай, уран гоё барилдаантай, Монголчуудын хайр, хүндлэлийг хүлээсэн бөх билээ.