Сонгино Хайрхан дүүргийн Спортын ордонд энэ сарын 9-11-ний өдрүүдэд “Борнуур” дэвжээний 10 жилийн ойн нэрэмжит самбо бөхийн өсвөр үеийн аварга шалгаруулах “БОРНУУР ЦОМ” 2023 олон хотын тэмцээн болж өндөрлөлөө. Тус тэмцээнд “Чандмань-Оргил” дэвжээний тамирчид хоёр алт, гурван мөнгө, таван хүрэл медаль хүртжээ.

          Бага насны охидын 38 кг-ын жинд Б.Буянбилэг алт, 49 кг-ын жинд Б.Бумхишиг мөнгө, хөвгүүдийн 38 кг-ын жинд А.Төгөлдөр мөнгө, 41 кг-ын жинд Г.Элбэгзаяа хүрэл, 49 кг-ын жинд Г.Алтанбагана хүрэл хүртсэн байна.

          Харин дунд насны хөвгүүдийн 41 кг-ын жинд Л.Хатанбаатар хүрэл, ахлах насны хөвгүүдийн 81 кг-ын жинд С.Заяа алт, Б.Мөнх-Эрдэнэ мөнгө, 52 кг-ын жинд Б.Чинхүслэн хүрэл, охидын 52 кг-ын жинд С.Очиртуяа хүрэл медаль тус тус хүртжээ.