Хөвсгөл аймагт “Ид шидийн орон” жюү жицүгийн клуб 2023 оны арваннэгдүгээр сарын 11-ний өдөр нээлтээ хийсэн байна. Тус клубийн нээлтэд 20 сая төгрөгийн үнэ бүхий дэвжээ болон тамирчдын “Ги” өмсгөл хүлээлгэж өгчээ. Ийнхүү хоймор нутгийн хүүхэд залуус дэлхий нийтэд өргөн дэлгэрч буй жюү жицүгийн спортоор хичээллэж, амжилт гаргах боломжтой болсон байна. Хөвсгөл аймгаас дэлхийн медальтнууд төрөн гарах сайхан өдрийн эхлэлийг тавьжээ.